Showing posts with label Kipawlna. Show all posts
Showing posts with label Kipawlna. Show all posts

BSM- IN REV. DR. KAM KHAW THANG PAHTAWINA PIA:

Zomi (Tedim kampau) te' ading Laisiang Tho Mikang lai (English) pan Zolai /Zokam tawh hong teisak /bawlsak masapen Rev. Dr. Kam Khaw Thang (Tedim Bible Translator) pen Kawlgambup Lai Siangtho Khen Kipawlna (Bible Society of Myanmar-BSM) in December 16,2016 ni-in " Tedim Lai Siangtho bawlkhia Pahtawina " piakhia uh cih kiza hi.
Rev. Dr. Kam Khaw Thang in a beisa 1982 kumin Mikang lai (English) pan Tedim pau /kam tawh amasapen hong bawlsak hi. Tu hun LST version tuamtuam a kibawl ngeingai hangin, tuni dong mah mipite' deih pen Lai Siangtho suak hi. Rev. Thang (Translator) pu zong Pasian mahin khansauna thupha hong piak sak lai ta hen.
Tua banah Pahtawi huaite pahtawina dingin a vaihawmpi pen khat ahi Rev. Khoi Lam Thang (General Secretary of BSM) zong hih mun pan zahtakna leh pahtaakna i piak kawm in, i biak Pasian in hong thupha thuap hong piaksak in, hong zatsak semsem tahen cih ih thu-ngetna ahi hi.



A 10 veina Zomi Siamsin Kipawlna Seminar

The 10th Siamsin Seminar
Laitui village,Tedim Township,Chin State,Myanmar
Zomi Siamsin Kipawlna-Universities Myanmar in kum Khat sung a naseppi a aneihte ahi…Siamsin Medical Trip,Siamsin Seminar leh Siamsin Summit..etc. te lakah a Guk(6) veina Siamsin Medical Trip leh a Sagih(7) veina Siamsin Summit April khasung in kibawl khina,a Sawm(10) veina Siamsin Seminar pen hongtungding 15-21,November,2016 ni sung teng in “Learn more,Lead more,Teach more”cih thulupi tawh Laitui khuaah kibawl ding hi.
Zomi Siamsin Kipawlna-Universities Myanmar in sang khakhun sung ahi November khasung tain Tedim(2006), Kalay(2008), Tedim(2009),Tongzang(2010),Pyidawtha(2011),Tuithang(2012),Kalay(2013),Hakha(2014),Heilei(2015) khuate ah Seminar kibawl khin a,tua Laitui(2016) Seminar bawlzawh a Sawm(10) veina ahihi.
Siamsin Medical Trip pen Zato tawh kigamlatna,Lampi hamsatna cihte ah April kha sungta in kibawla Buanli(2011), Suanghoih(2012), Salzang(2013), Pimpih(2014), Langzang(2015) leh Guasing(2016) khuate ah kibawlkhin hi.
Siamsin Summit bawlna te Mandalay(2010),Yangon(2011),Kalay(2012),Hakha(2013),Pimpih(2014),Langzang(2015),Guasing(2016) khuate ah kibawl theihi.

UNA in party 3 sangbeh

Zomi party ahi ZCD kihelna Mualmi party Kipawlna United Nationalies Alliance(UNA) te ki muhkhopna ah pawlthak sanna nei.
____________________________________________
16.10.2016.ni-in Zangkong Khuapi Panda Hotel ah akibawl UNA -SUBMIT ah kipawlna thukimna tawh anuai-a party thumte UNA pawlmi(member) dingin sanna ki nei hi.tua pawlte in ah
1. Chin Langue For Democracy(Pu Ngai Sak-Matupi, makaihna)
2. Chin Progressive Party(Pu No Than Kap-Falam , Makaihna)
3. Shan-ni & Northern Shan ehnic solidarity National Party
te pawlmi sanna kinei thei hi.
Tulai gamvai apha-mawh diak|Ki lemna daihna vai| 21st Panglong vai|Innpi(lawtdaw) sung Innpi(Lawtdaw) pua pan vaite| UNA in koici danin kalsuan in nasem ding cihte kikup khopna nei hi.


_________________________
UNA Pawlmite in
___________________________
(၁) ရွမ္းတိုင္းရင္းသားမ်ား ဒီမိုကေရစီ အဖဲြ႕ခ်ဳပ္(SNLD)
Shan Nationalities League for Democracy
(၂) ရခိုင္ အမ်ိဳးသားပါတီ (ANP)
Arakan National Party
(၃) မြန္ အမ်ိဳးသားပါတီ (MNP)
Mon National Party
(၄) ဇိုမီး ဒီမိုကေရစီ အဖဲြ႕ခ်ဳပ္ (ZCD)
Zomi Congress for Democrary
(၅) ကခ်င္ျပည္နယ္အမ်ိဳးသားဒီမုိကေရစီကြန္ဂရက္(KNCD)
Kachin National Congress for Democracy
(၆) ကယန္းအမ်ိဳးသား ပါတီ (KNP)
Kayan National Party
(၇) ရွမ္းျပည္ ကိုးကန္႔ ဒီမုိကရက္တစ္ပါတီ (SSKDP)
Shan State Ko Kant Democratic Party
(၈) ကရင္ အမ်ိဳးသားပါတီ (KNP)
Karen National Party
(၉) ရခိုင္မ်ိဳးခ်စ္ပါတီ (APP)
Arakan Patriot Party
(၁၀) ၿမိဳအမ်ိဳးသား ဒီမိုကေရစီပါတီ (MNDP)
Mro National Democracy Party
(၁၁) ဓႏုတိုင္းရင္းသားလူမ်ိဳးမ်ားဒီမိုကေရစီပါတီ(DNDP)
Danu National Democracy Party
(၁၂) ခူမီး(ခမီး)အမ်ိဳးသားပါတီ (KNP)
Khumi(Khami) National Party
(၁၃) ခ်င္းဒီမိုကေရစီ အဖြဲ႕ခ်ဳပ္ (CLD)
Chin League for Democracy
(၁၄) ခ်င္းတိုးတက္ေရးပါတီ (CPP)
Chin Progressive Party
(၁၅) ရွမ္းနီ(တိုင္းလိုင္)ႏွင္႔ေျမာက္ပိုင္းရွမ္းမ်ိဳးႏြယ္စုမ်ား
ေသြးစည္းညီညြတ္ေရးပါတီ (SNSP)
Shan-ni & Northern Shan ethnics solidarity party
Ref. Saikyawnyunt

21st panglong khawmpi a masa, ni 2 ni ah Pu Chin Sian Thang ii thugenna


1st September 2016, NayPyiTaw ah Zomi Congress for Democracy -ZCD chairman, Pu Chin Sian Thang in hungeelna no.6 na ah minutes 10 sung thugenna nei thei hi. (Makaipi te mi khatciang minutes 10 ta thugen hun kipia ahihi.)

Hi bang aa ih kimuhkhopna pen nong huhna uh ahihman in kei aituam a ngaihsun in nakpitak lungdamna hongko masa ing... Ka lungdamna lianpi penpen in bang hiam? cihleh hilai aa omteng khempeuh tawh kibangin kawlgambup thu dotpi Daw Aung San Suu Kyi tungah lungdam ko masa ing ..
Panglong sachuk ih cihcih pen kum sawtpi sung kiselcip hongmang kawmkal ah Kawlgam sungah nisim in kikapna thauging te a kuamah khempeuh leh ko ZCD te'n zong za hi ungh! Hih bang thute hangin Ko ZCD lampan lungsim hong nasak mahmah aa , lungsim hong lawngkha mahmah in , ihmutnuam in zong ihmu thei ngeikei ungh ! Cileng khial hethet loding hi ungh..

Banghang, hi bangin kikapna omthei mawk hiam ? Gam khat leh gamkhat kikap lah hilo,Hih thau gingging te koipan hiam? gamdang pan hongpai lah hilo , ei leh ei lawmta khat mah kikap tanghtangh ih hihi.Hi bang thauging ,kikapna a omloh nadingin Panglong sachuk om khinsa leh kibawl khinsa ahih lam ka ngaih sunsun aa , hi bang tawh piang nawnloding hi cih ka ngaihsun hi.

Panglong samkik ding ci'n 2010 kum October 24 ni-in Kalaymyo ah kihokhawm na bawlin, tangko khiatna kanei uhhi.. Hih tangko khiat nading ah hong thukimpih aa letmatthuh dingin hong kihelthei a zahtaak huai NLD U Tin Oo , hong nusia khin U Win Tin , Nyai Ngwe Thein tu laitak Khawmpi ah hong pailo hi . Nyai Tun Thein omnawnlo hong nusia khinta hi.Mi akim in tun hih Khawmpi ah hong kiheltheih kimloh hangin amau tungah lungdam ko hihang. Tun hih Khawmpi pen 2nd Panglong a kicih loh hangin 21st Century Panglong Khawmpi ci'n hong kizangkhia ahihi.. 2nd Panglong cilo aa banghangin 21st Century Panglong hong kici hiam ? Nang ap pen hilo hiam? ci'n hih vaipen mitampi in hong dongdong ahihman hong genkhia ka hihi.

Takhen U Thein Phye suakni (birthday) ni'n Daw Aung San Suu Kyi zong hong kihel aa, 2nd Panglong vai ka genpih hi .. 2nd Panglong kei letna sungpan Daw Suh tungah ap dingin kagen aa, tua ahih mawk leh 2nd Panglong ci kei zawni , banghang hiam cihleh panglong vaipen sawtlua mahmah tahi..21 st Century Panglong ci-ni hong ci hi .. Tua pen nang khutsung hongtung khitteh nang deih bang aa nong hih ding hi... Hi pen hitheilo cihbang omlo hi kana ci hi..Hih 2nd Panglong Ka ap nipen 2010 November 14 ni Lian ahihi..Ka ap zawhpen kum 6 sungbang lutta hi.

Tua hun laitak in Daw Suh pen inn sungah ki khumcip in thongkia in aom laitak ahihi..Hih bangin Foreign minister suakding leh Kawl gambup thudotpi suak dingin zong ka lam-en hetkei hi . Kam phat natawh Takhe U Thein Phye suahni birthday ni-in hong paithei zenzen aa, ka ki ap theipah uhhi..Hih Panglong vaipen a pianglo dingin Bogkoye Aung San kithat lum ahi hi..Bogyoke Aung San nungzui ding , a khekhap sulzuih kikdingin tu hun-ah kuamah omnawnlo phialta ahihi.Ko ZCD lampan ka ngaihsutna vuah., Daw Aung San Suu Kyi omlai hi,a mahmah in hong zomzo pen ding leh hong hanciam zopen ding hi., cih natawh naki ap kahi uhhi.Bogyoke Aung San tawh ana sikhawm te hangin tu ni in Panglong Khawmpi bawl kik thei ih hihlam phawk kik huai mahmah hi.

Tu-ni tuhun in i bawl 21st Century Panglong Khawmpi hongpiang khia taktak ta hongsuak hi . Mailam aa dingin bangteng ngaihsun ding ih hiam? Hih Khawmpi kibawl taktak in gualzawhna omtak pi'ding hiam? cih pen khen2/Namnih bek om hi.. Hih bang aa 21 st Century Panglong khawmpi hong piang khiat takpi pen ko ZCD te bek lungdam lo, Kawlgam sung aa om minam a kuamah khempeuh kilungdam mahmah hi. 2015 election November khasung in Kawlgam pen Daw Aung San Suu Kyi khutsung ah hong ki ap ciang in minam tuamtuam khempeuh nakpi takin kilungdam in tua ding hi ci'n nak lungdam mahmah hihang! Hih vaitawh kisai in keibek hilo, aki nusia theilo , a kimangngilh theiloding, panglong vaipen akua mapeuh in ih vaipuak lianpen ahihi.

Tun ih sepding in bang hiam ? Cih leh suahtaakna ih lak hunlai in 1947 Panglong agreement hoihtak in na kibawlkhin aa , Hih Panglong thukimna sungah bangteng kihel hiam ? Federal vai cihte akim in omkhin sitset sa ahihi. Panglong agreement sungah Federal kihel maw? Kihello cihte kician takin Shan state panglong khuapi ah kibawl hi. Tua hunlai in Shan state"Federal state" kici pen Shante bek nahi uhhi. Shan state sungah Maymyo na omhi . Tun bel Shan state sungah om nawnlo in Madalay div. sungah tungta / kikoih hi . Hi tepen Shan state sung aa omding ahihi.

Hih Panglong vai lungsim tawng ah om takpi aa semnuam taktak ih hih aa, 21st Century Panglong Khawmpi sem taktak ding a kipan ih hih taktak leh thukhun upadi constitution te ngaihsun naikei phot un! Upadi khekding? khek loding?? cih thupi masa lo in, Na lungsim takpi tawh hih Panglong agreement banglian in semnuam takpi maw? takpi lo? cih thupi masa penpen bek hi. Lunglut taktak nahih vualeh tu laitak in NCA ah letmatthuh Khin leh thuh nailo cih khawng kisapna om kilkel masalo hi . Panglong vai siangta, manta hang ei , ih cih khitteh nathu kim uhhiam ? ci'n kidong ding aa tuakhiteh thukim leh letmat kithuh hi pan hi.. NCA letmatthuhna neilo aa hih Khawmpi ah hongpai theilote zong hongpai theihtheih nadingin sapding hilel ahihi..Panglong agreement vaite asiang khitteh letmatthuh nading hipan aa , zong kikhial loding hi . Hih Panglong pen lungsim taktak tawh ih bawlding athupi penpen hihi...,cih tawh thu Khupna nei hi. Translated by~ Zomi Indigenous And Politics

CNF pan 21st panglong khawmpi kah teng

Hakha le Thantlang: Dr. Lian Hmung Sakhong, Pu Khua Uk Lian le CNF, Hrang Tin Thai
Paletwa: Pu Hla Thun
Mindat le Kanpalet: Pu Thang Ning Kee, Pu Ling Kee le Pu Nai Thoung
Matupi: Pu Thang Yen le Pu Paul Sitha
Falam: Pu Biak Pum le Pi Lalhmangaihzuali
Tedim le Tonzang: Pi Cing Zam Vung
Lushai/Mizo: Pu Lalramlawma le Pi Lalhmangaihzual
Mindat: Pu Thang Shing



21st panglong khawmpi ah ZCD pan a kah teng

"Union Peace Conference - 21st Century Panglong Conference"
Hihpen August 31-Sep 4 ciang NayPyiTaw MICC-II ah kibawl ding hi.
ZCD party pan akah dingteng...
Member of Parliament teng:
1. Pu Chin Sian Thang
2. Pu Gin Kam Lian
3. Pu Kham Khan Thang
4. Pi Cing Ngaih Mang
5. Pu Pau Lun Min Thang
6. Pu Thang Deih Khup
UPDJC Makai:
7. Pu Zam Za Mung
Party Makai Lampan:
8. Pu Zam Khan Suan
Kah ding a ki lawm lampan:
9. Pu Zam Khen Mang (Tamu)
Personal Assistants:
10. Pi San Nuam ( Pu Chin Sian Thang' PA)
11. Pu Cin Lian Khai ( Pu Zam Khan Suan' PA)
12. Pu Kham Lam Tuang @ Bob Tuang ( Pu Gin Kam Lian' PA)
Apuapan:
13. Pu Thang Tam ( Cho Ngeina leh Lai makai)
(ZCD Party hilo, Myonee dangpan, khat sapkul hi.)
Media:
14. Pu Vungh Khen Mung
lung dam...
Voice of Zomi

GZA in Laaitui lo cim innkuan te huhna pia

1, 9, 2016|Laaitui
Global Zomi Alliance ii hiang khat ahi Zomi Disaster Rescue Committee (ZDRC) tung pan abeisa Aug 14, 2016 zingsang lam aa Laaitui khuataw mencipna pan lo kisai innkuan (7) te huhna panpihna pia hi cih thu Laaitui- ZYA president Pa Thawng Lam Pau tung pan kiza hi. Hih thu tawh kisai in Laaitui—ZYA in ZDRC tung ah panpihna angetna tawh kizui in hi bang in huhna hong kia ahi hi.
“ZDRC pan sumtang 350,000 ks, innkuan khat 50,000 ks ta panpihna pen Aug 31, 2016 ni in ZDRC pan hong khak cih thu kazak uh ciang in tua ni Aug 31, 2016 mah Laaitui ah tua sumte na sang thei pah ung.”Pa Thawng Lam Pan in Zingsol ah hong gen hi.
Laaitui –ZYA in hih panpihna te pen Sep 1, 2016 ni in lo cim innkuan te tung ah hawmkhiatna nei uh hi.
Huhna ngah teng pen (1) Pa Thang Cin Suan, (2) Pa Gin Khen Pau, (3) Pa Cin Za Lian, (4) Pa En Za Khup, (5) Pa Langh Deih Lian, (6) Pa Kham Suan Mung, (7) Pa Kai Za Tuang te innkuan teng ahi hi.
“Dongtuak mipih te in hih huhna te hangin a lungkham simkhanna te uh pan noptuam pih ding in lam-en ung. GZA makaipi te in Zomi mipih te ading thunget sak den uh hi cih thu atuakkha khuami te tung na gensak un” cih ZDRC ii secretary Dr. Sian Nun Siam ii laikhakna sung pan thuvaikhakna zong genna nei thei ung” ci in Pa Thawng Lam Pau in gen hi.
“Ko bang bel an minsa zong ane thei lo liang hi aa ka kamsiat kawmkal uh ah ka lam-et ngam loh uh leh abeisa hun lai in athu zong ka tel melloh uh GZA te tung pan hibang panpihna ngah kha zenzen ka hihman in GZA makai khempeuh le no hih ihkhua pan hong ngetsak ta no te ih biak Pasian in thupha tampi hon pia hen o. Ka lungdam mahmah ei” ci in Pa En Khan Khup in Zingsol ah hong gen hi.
“Ko bang GZA makai kua teng hi aa, amau bang teng semsem bang dan kipawlna cih nangawng atello te hi aa ko ka telloh ka theih loh uh hang in amau non na nusia lo, non na pampaih lo in hih bang aa ka tuahsiat uhteh hong phawk aa hong huai aa hong huh uh pen ka lungdam lua ka gen dan ding zong thei kei liang ing” ci in Pa Thang Cin Suan in lungdamna thugenna nei hi.
Aug 14 ni zingsang in Laaitui khuataw ah logam kuampi acres 10 kim ding azai mencipna lianpi khat hong piang hi. Tua logam kuam aa lokho pen innkuan (7) pha uh hi. Tua innkuan te in alogam uh leh athaigui athaigah te uh tampi taan lawh uh hi.
—Zingsol tanute

Chin CSOs Forum kibawl - 21st panglong vai

August 30-September 2, 2016 sung kinei ding 21st Pinlong Conference vai tawh kisai muakna le kikupkholhna (Chin CSOs Forum for Union Peace) min tawh Chin State sung a om Township khat pan tangmi mi 5 ta, Civil Society Organization (CSO) te pan tangmi 5, Kalaymyo, Mandalay, Yangon a om kipawlna tuamtuamte pan tangmi 5 ciat kisam khawmin, abeisa August 22-24,2016 sung Yangon khuapi New Ayer Yar Hotel ah thupitak kibawl in mi vekpi 110 bang pha uh hi.
 
Tua laiah sum le pai le akipan akisam khempeuh Zomite' neihsa ahi Ar Yone Oo Social Development in sponsor uh a, a kihel khempeuh in thangah le thupi kisa mahmah cih kiza hi. Tulai ah Zomi min pua kipawlna sung pan Tedim Association (TA), Zomi Youth Association (Yng.,Branch), Zonu Tongluan,(Yangon), Tedim Youth Felloship (Tedim) cihte pan makaite kihelthei hi. Tua mah bangin i sanggam Hakha, Falam, Thantlang, Kanpalet, Paletwa, Matupi cihte pan zong kipawlna min le mimal min tawh tampi mah kihelthei cih kizasawn hi.
 
Hih 21st Pinlong Conference khawmpi pen State Councelor Daw Aung San Suu Kyi makaihna tawh Muanhuai khuapi (Naypydaw) ah thupitak kibawl dinga, Kawlgam sunga om Party tuamtuamte le NCA letmat thuhsa mualmi Thautawite khempeuh zong kihel ding hi. Honpawi ah thugenpi dingin United Nations Organisation-UNO tanupi Secretary General Mr. Ban Ki Moon zong kihel ding cih President zumpi pan U Zaw Htay in pulak hi. 21st Pinlong Conference ah UN Secratary General banah UN Agency tuamtuamte le Embassy tuamtuam pan palaite zong kihelthei ding ahih manin, Kawlgam tangthu ah ciapteh tham ding banah lawhcinna om zo dingin lametna kinei ci hi.


 
Source: Chin CSOs Forum FB via Tongsan

National Reconciliation Peace Center ah Zomi te

August 11-13,2016 sung Kawlgambup kilemna vaaihawm pawl ahi UPDJC ten National Reconciliation Peace Center ah thukikupna nei uhhi.
Hih UPDJC sung ah ZCD Secretary khat ahi Pu Za Mung ZCD mintawh akihel ahihi. Amau nasep peen CNF,KNU cihdan thautawi te leh kumpi kilemsak., Alaibawl te khawng uh etphatsak cihte ahihi.
Mualtung thautawi te lak ah Zomi te kihelkhalo cihthukhawng iza a pawlkhat ilungneu phial hi. Zomi te peen Naupang thautawi te peuhtawh abuaibuai ding hinawnlo in tuate i thukhenpi mun ah Topan ongkoihzo hi.
Shan gam Taungyi Khuapi ah Mualtungmi lompikhat kimuhkhopna August 11-15 sung kinei a Tedim ZCD pan Lasiam Zam Dal leh Sia Go Khan Pau te vakah thei uhhi.


Chin State bup huam 21st century panglong vai kimuh khop ding tangkona

Yangon, 12 July 2016
Asawt lo-in Gambup (nation-wide) huam a akibawl ding Second (21st century) Panglong Conference om ding cih thu huhau in 15 June 2016 ni-in, ZCD President makaih natawh Yangon ah ZCD CEC aom thei teng kamkupna ki neihi. Hih ki muhkhopna pan hong pai ding Gambup huam Panlong nihna khawmpi ki bawlma Chin State bup huam in kamkup khopna khat nei zo leng cih thu khensatna ki nei hi.
15 June 2016 ZCD CEC kimuhkhopna ah Chin State bup huam kimuhkhopna apian theih nading Standing Committee anuai a bang in ki seh khia hi.
  1. Anthony Kap Khan Khual
  2. Vungh Khen Mung
  3. Pau Kim Tuang leh
  4. Bob Tuangpi (Mauvom)
July 3, 2016 in anih veina Standing Committee kamkup na ah anuai a makaite ki behlap hi.
  1. Zam Khan Suan
  2. Zam Za Mung
  3. Nang Sian Muang
Standing committee teng 29 June, 9 leh 12 July 2016 nite ah kimuh khopna kei ki neih beh toto in sepkhiatna leh ngaihsutna te mipi tungah atom in kong pulak khia uhhi.
Pawipi hun, amun, kamkup dingding thulute leh thu tuamtuam;
Thubulphuh: State-wide Consultation, Chin State - In Preparation for the 2nd (the 21st century) Panglong Conference
Ni masa: July 22, 2016 - Federalism and Resource sharing
Ni nihna: July 23, 2016 - Security and Ethnic equality
Pawi Mun: Orchid Hotel, Yangon
Sumbei pia khia ding: United States Agency for International Development (USAID)
Media sapding: Local and International
Broadcasting live: https://www.facebook.com/zcdemo (TBC)
Hih anuai a makaipi te’n thukong honna leh thukong khakna hong neihsak ding’in ki cial hi. 1. Pu Chin Sian Thang – MP, ZCD President 2. U Phyo Min Thein – Chief Minister of Yangon Region 3. U Tin Oo – NLD Patron 4. Nai Ngwe Thein – MNP President
Sapding mimal leh pawltuamtuamte


Contact person:
1. Zam Khan Suan - Phone: +95 (0) 942 110 6179
2. Anthony Kap Khan Khual - Phone: : +95 (0) 942 110 8592, Email: kapkhankhual@gmail.com

KUM ZALOM 21 PANGLONG KHAWMPI

NATIONAL RECONCILIATION AND PEACE CENTER - NRPC (အမ်ဳိးသားျပန္လည္သင့္ျမတ္ေရးနွင့္ ၿငိမ္းခ်မ္းေရးဗဟုိဌာန) ci-in abeisa hun a Myanmar Peace Center - MPC kici pen May 31 ni President U Thin Kyaw in thupia-in kibawlpha thak hi. Kumpi thakte in kha 3 sungin Zalom 21 Pang Long Khawmpi neih theih nading hi bangin hong geel thak uh ahi hi.

Hih munah vekpi kihel kimna khawmpi hi ding, cih kilim gen mahmah a, abeisa kum a Nationwide Ceacefire Agreement a suaikai nai lo thautawi kipawlna nam 8 te zong sapna lai hoih tak kipia kim hi, ci uh hi.

Hih munah amakaipi mi 10 te pen Kawl teng mah hi phot a, teelcing party khat pan khat ta kihel dingin zawn uh hi. ZCD pan Pu Zam Za Mung kihel dingin party in amin puak khin cih, kiza hi. August khabei ma peuhmahin bawl zawh teitei kisawm ahi hi.

Hih Pang Long Khawmpi ah thusun nop leh kup nop bang teng om ding, cih TYF leh Zomi Siamsinte tawsawnin ZYA -Tedim makai-in Chin State a sanggam dangte tawh kithuzaktuahna bawl khit teh Myanmar Youth Forum tawnin athu kipuak ding ahi hi. Tua ahih manin khangnote lam pan thu sun ding a hoih i sakte ZYA -Tedim ah zasak ciat dingin huhna kingen hi, ci hi.

ZRO min tawh hih Zalom 21-na Pang Long Khawmpi ah kihel ding leh kihel loh ding thuthak kiza nai lo a, kumpi lam pan leh Khawmpi bawl Komiti lam panin bel lametna lianpi tawh sapna kipia hi, cih kam kiza hi.

ZCD in hih hun a thusun dingte kamkupna zong nei khin a, akul bangin mipi tawh kikup zel sawm lai uh hi, ci hi.

Hih Zalom 21 Pang Long khawmpi pen a masa tawh kibang maw ahkl bang kilamdang... cih nuam buang dah buang dan khatin mipi in lametna lianpi tawh kingaklah mahmah ahi hi. Pang Long Kongkhakpi akihon kik laitak hi zong kici thei hi. Lut kei leng bang haksatna om thei ding a, lut leng bang piang thei, cih alunglut huai mahmah thu hi, kici hi.

May 30, Aung San Suu Kyi a kisuamlup sawm ni

May 30 ni pen 2003 kum a Aung San Suu Kyi te Depayin a Than Shwe tepawl in a suamlup sawm uh ni hi.
Tua mun ah ASSK a lenghawlpa siamna tawh suak ta bilbel a anungzui 300 val in sih lawh hi.
2004 kumin US kumpi in Kawl kumpi leitungbup ah khaktan hi.
Tua zawh asawtlo in 2007 lungphona lianpi hong om ahihmanin, 2008 kumin constitution khat hong kipsak biangbuang uh a, 2010 kumin Thein Sein kumpi za ah tusak lianluan pak uh hi.
2010 kiteelna ah party tengin nuaksan ahihmanin USDP, CPP, CNP cih daan keuhbek party hon khat bawlkhia samsam in zo sak pong uh hi.
Tuabang hun sungin leitungah Arab Spring cih hong omin, kumpi hoihlote a tokhom tung uh pan kikaikhia in kigo ziahziah ahihmanin, Kawlgalkapte lauthawng lua in NLD leh mualgamte tawh kilemna bawl saisai uh hi.
Tua tungtawnin 2012 kumin NLD kiteelna lut a, mualgamte tawh kikap khawlna hong kipan ahihi.
NLD tungah democracy ka pia ding uh cih kamciamin, mualgamte tungah federal ka pia ding uh ci in kamciam uh hi.
May 30 Depayin vai hangin US leh EU in Kawlgam umcih in sumbawlpaibawl khaktan ahihmanin, Asia gam tampi a bank leh kumpite zong sukha ahihmanin, Asia gamte nangawnin anunung lam ciangin Kawlgallkap kumpi gum ngam nawnlo uh ahihi. Pu Zo Khup

TBC (Tedim tuiphum) kipawlna leh Kawlpi aa Zomi Tuiphum kipawlnate kigawm

Kawlgam sung Tuiphum kipawlna phungpi ahi Myanmar Baptist Convention in 2006 kumin Tedim Baptist Convention kipsakna nei uh hi. Tu-in Kawlgam sung Tuiphum innkuante tawh kikhen ding a ngaihsun zolo KVBA, NKVBA, SKVBA (3K) te leh TBC kipawl nading tawh kisai-in TBC in Special Executive Committee (EC) meeting sam uh a, anuai abangin thukimna bawl thei uh hi.
# May 26 -27 sung tengin CMBC Biakinn ah 3K te sanna leh kipsakna nei ding.
# May 28 ni in TBC pan makaite Kalaymyo ah hawh in Leipi Tuiphum Pawlpi ah kitung ding a, May 29 ni 2 PM hunin mipite tungah kipawlna vai thu pulakna, tangkona hun khat Tahan Tuiphum Pawlpi ah nei ding.
A kikhenthang minamte Pasian in ama zat ahi dingin hong gawmtuah hi, ci in kingaihsun ahih manin thungetna ah hongphawk un, ci-in Rev. Vungh Suan Mung, G.S, TBC in a facebook ah gelh hi.

Tedim - May 26
Kalay Valley Baptist Association 3 te leh Tedim Baptist Convention kizop ding lunggulhna omsa bangin May 26 ni nitak nai 6 hunin CMBC biakinn ah sanna, kipsakna leh thupha piakna nuam tak nei thei uh hi, cih kiza hi.
KVBA, NKVBA leh SKVBA pan mawtaw 3 dimin makaite Tedim hong kah to uh ahi hi.
May 28 ni in TBC pan makaite Kalaymyo ah hawh in Leipi Tuiphum Pawlpi ah kitung ding a, May 29 ni 2 PM hunin mipite tungah kipawlna vai thu pulakna, tangkona hun khat Tahan Tuiphum Pawlpi ah nei ding, ci hi.

Photo Credit : Sia Mung, GS, TBC

Zomi ulian 3 New York khuapi ah kimu

24 May 2015: Pu Hau Do Suan (Acting Permanent Representative of Myanmar to UN, Myanmar Embassador to Canada), Sia Rev. Khoi Lam Thang (GS - The Bible Society of Myanmar) leh Pu Do Khan Khup (ZIUSA -President)te innkuan Pu Hau Do Suante omna New York khuapi ah' kimu khawm thei cih ki za hi. 

TBC makaihna tawh Tedim ah Khangno Camp kibawl

Tedim - May 19

Tedim Baptist Convention makaihna tawh Rev. Pau Lian Mung leh a team te zangin Tedim khuapi CMBC biakinn ah Youth Camp nasia takin a kibawlsan laitak ahi hi. May 17 - 21 sung hi ding hi.
Kham leh zang Pawlpi namkim kigawm camp lut mi 1200 val min kikhum hi, cih information department vaisaite tung panin kiza hi. Kawlzang panin manlong mawtawpi 2 dim tawh mi 100 val hong pha uh hi. Kham lam pan khua 70 val pan hong kihel uh hi, ci hi.
Pasian' maipha a zong khangno hizah ta lamdang bang sa zawzen ing. Pasian in Zomite khanggui hong khel toto lai ding cih ka khamuang tuam hi... ci-in Tedim papite kikum litlit uh hi.
Limla: Thorthon 
Credit: ZYA Tedim Post

Gambup Dalna Leh Kepcinna Nei Council (National defence and security council)

Gambup Dalna Leh Kepcinna Nei Council (National defence and security council)
Hih Council ah member(11) kihel uh hi. Tuate in: (1) Gam makaipipa/nu(president),(2)vice president-1,(3)vice president-2,(4) galkap mangpipa(5)galkap mangpipa huh,(6) mipidawl Innpi thuzeekpipa(speaker of house of representative/lower house),(7) Minamdawl Innpithuzeekpipa(speaker of house of nationalities/upper house),(8) galkap vuangyi pa(union minister of defence services), (9) Gamsung lamsai vuangyi(union minister of home affairs),(10) Gamgi lamsai vuangyi pa(union minister of border affairs leh (11) gamdang lamsai vuangyi(union minister of foreign affairs) cihte member (11)pha uh hi.

Hih council pen gam-uk kumpi lampanin (union government) pan mihing (5) hi a, galkap mangpipa lampan ama seh mihing(6)kihel uh hi. Tuatein: union mister of defence services, union minister of border affairs, union minister of home affairs, commander- in -chief leh deputy commander –in- chief teng uh hi a, gam-uk kumpi lam pan sangin mimal(1)tamzaw uh hi. Hih council pen kha(1) atawm pen nihveita bang meeting nei uh hi. Gambup vai thupi tuamtuamte ah galvai savaite hih council member teng khensatna tawh asia apha akip ahi hi. Hih council ah galkap lampan meetang(vote) (6)nei uh hi. Gam makaipipa(union president) ahih leh meekhia theilo dingin, aman thuzeekpi(chairperson) bek semthei hi a, meetang alangnih-in thukimna thukimlohna ah meetang akikim leh bek meetang pia thei pan ding hi, cih thukhunpi ah om hi.
Tua ahihmanin, athupi khensatna a omsialin galkap lamte in zodenkeii ding cihnopna ahihi. Atungah igensa vuangyi thumte ahi, union minister for defence services, union minister for border affairs leh union minister for home affairs cihte galkap mangpa in ama deihdeih sehthei ziauziau aa, president in sehtheihna thuneilo hi.
Tuabanah galkap mangpipa(commander-in-chief of defence services) in gamkee state&region khempeuhah ukna lam vaipuak ladingin(minister of border affairs) khattek,azaneu penpen colonel level) khattek ama thu tawh ama deih bangbangin galkap khat koihthei ziauziaul ai hi. Tua border affairs minister galkap pa in galkap mangpipa tawh a-ut hunhunin(direct) kihotheiziauziau-in thuzaksakna(report) pia den hi.
State&region makaipi(prime minister) te in ama uk-na gamkee(state&region) sungah thukin(gtna:Rakhine state) vai bang dante ah ama thu tawh bangmah thukhensatna piatheilo-in, hih border affair minister pa thukimpihna bek tawh galkap mangpa cih bangbangin thu kikhensat ahihi. Hih border affair minister sem galkap pa pen, gamsung lamsai vuangyi pa(union minister for home affairs) pa khutnuai ah om aa, tua pa pen galkap mangpipa in ama deih bangbang akoih hilai hi.2008 gambup thukhunpi ah, Kawlgambup aa om thautawi khempeuh in gambup galkap mangpipa(commander-in-chief of defence services) khutnuai ah om ding hi, cih thu ahihi. Gamsung cing ahi palik(Myanmar police force) khempeuh leh amakaipipa zong galkap mangpipa’ khutnuai mah ah om ahihi. Atatakin hih palik pen(Myanmar police force) gamdang dan hileh amah leh amah aki-vaisai(independent body) ding ahihi.
2008 thukhunpi ah gam makaipi(president) in hih council member khempeuh thukimpihna tawh galkap mangpipa(commander-in-chief of defence services) khat seh ding hi, ci’n thukhunpi khenpi(324) ah ci hi. 2008 thukhunpi ah, gam makaipi(president) in gambup ii lutangpi(head of the State) gambup kumpi makaipi(head of government),avaangnei pen leh asang pen dinmun ngah hi ci napi’n,athupi khensatna khempeuh hih atungah igen council member teng thukimna vote akhai uh teh azozaw(meetang tamzaw) lam thukimna bek tawh vai kihawmthei bek ahihi. Gam makaipipa in ama thuneihna tawh thongkiate suahtakna pia theilo (the president has no power to grant amnesty), gamdang gam khat tawh gal kido ding, kilem ding khentatna pia theilo(the president has no power to declare war on other country), ama thu tawh gam khat leh gam khat kizopna khawlsak theilo(the president has no power to cut off diplomacy) leh gambup thukin tangko theihna(a state of emergency) neilo hi cih 2008 thukhunpi khenpi(204,b) na ah gen hi.
Akhawk mahmah khat ah, gamsungah buaina mipi sona(popular uprising) nasia mahmah dingin, gamsung gamlumna,ngongtatna cihte a om leh gambup makaipi(union president) in athuneihna khempeuh(political power) kici (executive power,legislative power,judiciary power) khempeuh galkap mangpipa ka ap hi cih, lai suaksak ding aa, tua hun akipan galkap mangpipa in gamsungah daihna om ta hi ci’n kiteelpi(general election) a omsakkik dong ukna aana(sovereign power) khempeuh len ding hi, tua pen 2008 constitution in galkapte a aituam piak hamphatna hi aa, tua bang ahih pen thutang(official) hi hilai hi.
By:Bob Tuangpi

Kawlte’ Makaih kipawlnate’ kikhen nate pan Zomite pilna ding

General Aung San in , suahtakna lak ding avai hawm ciangin mualtung mite ( Zomi, Shan, Kachin ) na zawn hi. A cil pekpan in mualtungmi makaiten Kawlte na muang hetlo khin ahih manin biahtakin na zolzo hetlo hi. A tawpna taktak ah, (a) amau mailam amau vaihawm thei ding,(b) State te in kum 10 khitteh inntuan nop leh kingah (c) Kawlte in pek khat a ngah leh Zomiten/Shan/Kachin pek khat ngah ding cih, General Aung San’ kamciamna amuanna hangin Kawlte belpawl in gamkhat in dinding in thukim uh hi. Thukimna Panlong Agreement pen 12th Feb, 1947 in suaikai uh in, tua ni pen Union Day ci-in tuni dongin gambup holiday thupi mahmah khat in kizang den hi. Hih tungtawnin 4th Jan, 1948kum in Mualtung mite, Kawlte kigawm in Mangkang kumpi tungpan suahtakna lakhawm uh hi. Hih bangin suahtakna ngah nangin a hanciam kipawlna a lian deuhte’ ( a diakin Kawl mite ) kipatna, a ki khenna te atom kim in en suk dih ni. Tua khitteh, hun lai-in South East Asia bup ah ahau pen anopsa pen dinmun pan Leitung ah a zawngpen dinmun I tunna ahang tampi lakpan pawlkhat kimu thei ding hi.

YMBA / GCBA

Mangkangte ukna nuai ah a om sungin Kawlte’ minam itna, thu muhna kihongin minam itna bulphuh kipawlna na ki pan toto hi. 10thMay, 1906kum in YMBA ( Young Men’s Buddhist Association) cih kipawlna na kiphut masa hi. “ Minam itna, thu upna, biakna leh pilna “ cih bangin mipite a buciang khantohna ding ngimna bulphuh uh hi. A kipat cil in mimal 20 kim bektawh kipan ahih hangin a sawtlo in Kawlte omna khempeuh ah kizel ziau in, akipat cil hun in gamvai bulphuh ahih lo hang, Mangkangte langpanna cih danin gamvai lamah damdam in hong kihei hi. 1920kum October kha ciaing GCBA ( General Council of Burmese Associtations ) in amin khek in, gamvai nasep ong bulphuh mahmah ta uh hi. 1923kum, 2nd Jan, Mangkangte hong piak Dyarchy ki-ukna ( Kawlmi leh Mangkangten thu nei khawm ) a deih/deihlo te hangin GCBA khennih suak hi. 1925kum ciangin sumzatna aman lohna hangin a taikhia pawlte khen nih suak leuleu hi. Hih GCBA phungpi mah panin mimal U Soe Thein’ makaih GCBA, U Suh makaih GCBA, U Pu makaih Home Rule Party cih bangin na kikhen zeizai mawk hi. Hih pen 1923-1925, kum 3 sung thupiang ahi hi. Minam itna, gam itna, gamvai minam vai ah mipite amit kihong sak hi. Lam khat pan in ahih leh , panmun, min leh za, thuneihna cihte hang leh mimal deihna thupitsak luatna hangin kikhen kham ahihna kimu thei hi.

Dobama Asiayone-DAA ( We Burmans Association )

30th May, 1930kum in pilna nei, minam vei khangno pawlkhat I makaihna tawh akipan khia kipawlna khat ahi hi. “Minam itna, minam lai mah thupit sak ding, gam leh lei it ding” cih te mah a bulphuh pipen hi in Mangkang kumpi tungpan suahtakna nget ding cih zong a bulphuh pi khat ahi hi. Thakhin ( Master ) , amin maiah “U” cih zang nawlo in “Thakhin” zat kipan uh hi. Hih kammal pen Mangkang kumpi, Makai te a lawhna hi in, “ hih gam a nei “ a Thakhin “ taktak ding pen ei hihang”cih deihna ahi hi. 1934kum in sum ngahnza zekna vaitawh buaina hangin a phuankhia U Ba Taung kikhawl sak hi.
Hih DAA ah nidang ciangin gam makai dingte ahi Ko Aung San, Ko Nu, Ko Soe , Ko Than Thun, Ko Thein Pe, Ko Hla Pe cih bangin khangno siamsin honkhat zong kipawlna mapang pi te hong suak uh hi. Ahih hangin hih kipawlna zong ,1938kum pan in makaite kilem lohna , panmun kituhna, gamvai san zia kibat lohna cihte hang mah in kikhenna na om leuleu hi. A kipat cil in Kawlgam aa dingin a thakhauh pen leh a muanhuai pen ahih hangin akikhen khapteh cihtak lua nawnlo uh hi.

Communist Party of Burma (CPB)

Galpi nihna kipat madeuh 15th August, 1939kum in Takhin Ko Daw Mai ngaihsut piakna,makaihna tawh, pilna nei khangno pawlkhat Takhin Aung San ( General Aung San), Takhin Thein Pe, Takhin Be Hein, Takhin Hla Pe , amau tengtawh hong kipan khia hi. A lunglut huai mahmah khat ah General Aung San in General Secretary a sem na hi gige hi. Gamvai ah ama sanzia te ul tung sak masa hetlo in Kawlgam tawh a kituak pen ding ki ukna lamah tangtak in apaipihna pen et teh tak mahmah hi. General Aung San in  30 Comrades , leh  Burma Independent Army makaih in Japan te panpihna tawh Mangkangte nawt khia hi. Amah pen Kawlgam suahtakna makai pipa bek hilo, galkap a phuankhia pi pa “Galkapte’ Pa”in zong kiciam teh hi.
A kipat cilin tha khauh lualo hi. 1941kum khit lamteh Takhin Soe , Takhin Than Thun te amakaih khit a kipan in damdam in a thakhauh hi pan hi. Amau te gel pen CPB a phungcing sak makaipi tegel hi in, hih CPB zong pen 1946 kum, Feb kha in Takhin Soe makaih CP(B)-RED FLAG leh Takhin Than Thun makaih CPB-WHITE FLAG in na kikhen uh hi.

People Revolutionary Party ( PRP ) / Burma Socialist Party

1939kum  in a kipan hi in, galpi nihna a ven ciangin People Freedom Socialist Party in amin laih hi. Hih party pen Ko Ba Swe, Ko Kyaw Ngein, leh Takhin Chit te in makaih in, suahtakna ngahkhit lam ciangin a thakhauh mahmah party ong suak hi. Suahtakna ngah khit 1950 kum, December kha sungin hih Party pi panin party thak nih kipan khia leuleu hi. Ngaihsutna , san dan kibang lo ahi phial zongin, hih bangin kikhen cih takin kikhen pen kiamsukna lam a paipai hi mawk hi. Kawlmite zia leh ngeina khat pen, mikhat , makai khat a it, apaktat nak leh  apaipaina ah zui ngam, mimal tungah kinga mahmah thei mawk hi. Hih pen ahoih ding abat hangin kiamsukna , kikhenna, thanemna a piangsak thei na gige mawk hi.

Anti-Fascist People’s Freedom League ( AFPFL - Phasapala )

Mangkangte, Kawlgam pan a taikhiat khit, Japan te in Kawlgam ah ukna aneih hun sungin akipan khia kipawlna hi. 1944kum, August kha in Anti-Fascist Organization ci-in kipawlna lianpi khat ahih theih nangin kipawlna (3) bulphuh in ong kipan uh hi. 1945kum March kha sungin amin AFO pan in AFPFL ah laih uh hi. Hih AFPFL pen Kawlgam tangthu ah amin thangpen , a picing pen kipawlna lianpi khat ong suak hi. AFPFL lukhu nuaiah CPB, PRP leh Genaral Aung San’ makaih Burma Independent Army ( BIA ) galkap te kikop in ding khawm uh hi.  Amau makaihna tawh Japan te lehdo kik in, tua khit teh Mangkangte khut tungpan suahtakna lak pih uh hi. Kipawlna lianpi (3) takin minam leh gam aa ding masuan in, khut kilen in na sem khawm uh aa, a kibat lohnate ultung sak lo in, minam leh gam suahtakna dingin nasem khawm ahih manin Kawlte tangthu ah anamtui pen hun cih theih hi. Ahih hangin hih hun pen kum 2 sungin maiming leuleu hi.  A hi zongin 20th October, 1946 kum ciangin   Takhin Than Tunmakaihna ahi CPB te, AFPFL tawh kikhen in tuam dinta hi.

Suahtakna ngah khit gam makai kipawlnate kikhenna

1948kum , 4th Jan -  Kawlgam in suahtakna ngahin AFPFL in kumpi sem hi. CPB te in 1948kum, 28thMarch in gamsung lut in kumpi te lehdo kipan hi.
1958kum, 27th April ciangin  AFPFL zong khen  nih in kikhen leuleu a, U Nu leh U Tin te makaih pawl leh alangah U Kyaw Ngein leh U Ba Swe te makaih Socialist pawl, cih dan in kikhen hi. U Nu makaihna pen Clean AFPFL ci in, U Kyaw Ngein leh U Ba Swe makaih pen Stable AFPFL ci in kipawlna amin laih uh hi. Hih makai te kipawl khawmin ding khawm hi leh, General Ne Win in 1958kum in thu neihna la hetlo dinga, bek thamlo in 1962kum in anih veina galkap General Ne win in thu neihna la lo kha ding hi ci-in mipil pawlkhat in gen hi. Bang hanghiam cih leh hih makai teng pen General Ne Win a zahtak mahmah leh a kihtak mahmah teng hi in, amau akikhen ciangin cih tham sa nawnlo in a deihdeih in hek ziauziau lel hi.
1960kum,January kha Gambup ki teelpi kinei in, Clean AFPFL in zo hi. A party min zong Union Party in laih hi. Hih party in sauvei ukna lenlo in 1962kum, 2nd March ciangin galkap ten ukna teng la uh hi. General Ne Win in galkap ukna tawh 1974kum dong uk in, tua pan party khatbek thuneihna tawh uk ahih manin a kikhen a kitam omlo cih theih ahi hi. Hih hun sungpen Burma Socialist Programme Party ( BSPP ) te makaih hun hi in U New Win I thuneihna bektawh thu a ki vaihawm hun zong ahi hi.

1988kum kikhelna, NLD , ZNC

1988kum sung nakpi takin gamvai abuai ciangin BSPP tungpan in galkap in thuneihna teng la in, 1990kum in kiteelpi bawl sak hi. Generanl Aung San tanu, Daw Aung San Suu Kyi’ makaih National League for Democracy cih party thak khat ong kipan in mipi in nakpi takin tha kipia hi. Hih hun mah in zong Zomi National Congress ( ZNC ) kiphuan thakin Zomite gamvai nasepna khatvei ong kipan kik hi. 1990kum kitel pi ah NLD 72% bangtawh a zawh hangin , galkap kumpi in ukna pia tuanlo in a makai teng zong gilbem sung dennna zaw sawp hi.

Union Solidarity and Development Party ( USDP ) a kahna leh a kiatna

Galkap kumpi in a deih bangin  a bawlkhiat Party hi in, galkap mangte vive in a galkap puan suahin hih Party makaih hi. Amau deih bangin a bawl gambup thukhunpi ( 2008 – Constitutuion ) bulphuh in 2010kum, November kha in kiteelpi bawl in, a langah dingding Party ahi NLD in demlo ( boycott )ahih manin USDP in kiteelpi ah zo dipdep hi. 2012kum by-electition kidem hunteh, NLD in zong kiteelna ah dem in tutna 45 aom lakah mun 44 kuanglui uh a, mun 43 ah teelcing uh hi. USDP in kiat lam manawh ta hi.
2015kum kiteelpi ciangin NLD panin thathak, ngimna thak tawh dem uh in, mipi mahmah in zong galkapte ki cimtak lua mahmah ta ahih main, NLD ah ki bawhhuan hi. Mi khempeuh upmawhna zah sangin zo gawp uh a, tutna I 86% bangtawh gualzo uh hi. USDP in upmawh zah sangin lel dipdep hu hi. A makaite kikal ah ki lemlohna, ki thutuakloh na pen kiteelpi ma pekin kiza hiauhiau khin hi. Zogam panin Zomi Congress for Democracy(formerly known as ZNC )  simloh , tualsuak Party te nangawn in NLD te lel mang uh hi.
U Thura Shwe Mann ( Former General ) pen , ama lawmte tawh ngaihsutna sazia kibang nawnlo maw akl kiteelpi teh a zo ding theikhol lua ahih man hi ding hiam, damdam in tuamtat toto in NLD tawh khut hong kilen phial uh hi.  22nd April,2016 ni in  a party pan a lawm dang mi 17 tawh kihawl khia ta hi. Lamkhat pan USDP party tampi thanem tuam hi kici thei hi. 28th April, media tetung a thugenna ah Party thak kipat ding gelna neilo , NLD ah zong lah lut ding gelna nei tuanlo ci in gen hi.

Bangte in kikhenna om sak pen hiam?

Hih atunga kipawlna/party tuamtuam te tangthu i et ciangin kikhen khapna bekbek tawh kidim hi. A huampi in en leng makaite kisapna hisak pipen hi.                                                                                                                                     (1) thu thei thumu dinga kilawm makaite in angsung, mimal deihna, mimal I gamvai ah a san dan ( Ideology ) cihte masak lua in kipawlna a picing semsem ding sangin amau thu neihna akhan semsem nang vai hawm uh hi. Gtn: kipawlna khat pan a taiteh a mipi zong taipih/khenkham                                                                                                                                                         (2) khuahun luanzia leh ,kim-le-pam tawh kituak in thu vaihawm khawm diamdiam lo uh hi. Gtn: Suahtakna ngah khit, gam sung tualgal daih ding thupi, gam khantoh ding thupi mahmah kimlai, gam makaite in thuneihna, mimal deihna te kituh in kikhen uh hi DASSK bangin gam I mailam ding ngaihsutna bek tawh amah abawlsia, a pasal, atate tawh a khen ahi Galkap mangte tawh nui sitset sa in kiho thei mawk hi.                                                                                                                                                                  (3) thu manna, itna, cihtakna tawh gam leh minam aa dingin akipia khia zo taktak kuamah om lo hi, a dang tampi zong om kha ding hi. Laisim mimal khempeuh in na lungngai dih inla na ngaihsutna, na muhna te khempeuh zong ahang khat hipah ding hi.

Kawlgam sunga om Mualtung mite leh Zomite lungngaih ding thu pawlkhat

Hih a tunga a thupi 3 te, DASSK in nei ahih manin NLD dinmun lungnop huai in, kipumkhat zo mahmah lel ding hi. Ahih hangin ama omloh khit teh bang piang ding cih kigen khol thei lo hi. Kawlte gamvai paizia en leng kikhenna, kitotna, a thak kipan, a thahat ten atha nemte zawhthawh bawl cih vive tawh kidim mawk hi. Tua ahih manin ;
(1)DASSK aom sungin Mual mite in amau i thuneihna ding atam theithei a ngahna dingin nakpi takin hanciam uh leh hoih pen ding hi.                                                                                                                          (2)Tua kawmkal ah, mimal in atam zaw Kawlte a zawh nangin, Mualmi khempeuh a ki pumkhatna uh khat vei nosuak sak kik in, akizopna uh kipsak mahmah ding thupi ding hi.                                              (3) Gam vai nasepna ah State khat sunga om, kampau kilamdang nate bulphuh lo in, mailam khang tampi khualna in a kipum khat loh hong phamawh ding hi. Gtn: Shan gam bangpen khasiat huai mahmah ta hi. Kawlte gamvai makaite bangin aki khenkhen uh leh, mualmi khempeuh pen a sawtlo in beimang ding uh hi.                                                                                                                                         (4)Mualtung mite khempeuh Gamvai ah ngimna khat nei khawmin, kuate lawm, kuate kidawm in kikhawl ding, mailam nuntakna anop nangin bangte thupi aa bangte thupi masa penpen lo, cih te hoihtak in gamvai minam vai makai ten lungngai in kalsuan loh phamawh kha ding hi.                              (5) A tunga teng ban ah Zomite pen mimal tawm mahmah ahih manin, pil mahmah na lo tawh koi mah tung zolo ding uh hi. Kumpi ahih sese loh uh hangin Pasian deihna ahi pilna nei peuh le uh, Joseph/Daniel te bangin mun thupi, thu neihna thupi te ngah zo veve den ding uh hi.
Laisim mimal kimin zong hoihtak lunggai kawm khitteh hih a tunga nam 5 ban ah, nang leh nangin na behlap toto in.

Lungdam
Khup Lian Thang

Ref:
Kawlgam gamvai tangthu et kikna, U Kyaw Win
Gal hun sungin gamvai tuahkhak thute, Thein Pe Myint
The Rise and Fall of Communist Party of Burma, Bertil Lintner
Saturday’s Son, U Nu

A (6) veina Siamsin Medical Trip le A (7) veina Siamsin Summit Nuamtak ki zo

A (6) veina Siamsin Medical Trip le A (7) veina Siamsin Summit Nuamtak ki zo;
=============================
Convenor Dr. Thang Sian Sing (Siamsin)
Convenor Tg. Dim Kop Sang (Inntek)




Zomi Siamsin Kipawlna - Myanmar in Zogam sungah nuntak khuasak hatsatna leh kizopna lampi haksatna khua te ah ahun lapin aki bawl zolo cina luna tampi tak te anatna uh velin zatui,zaha piakna akong in ki nei hi. 2010 pan kipan kumsim khua khat bulphuhin khuakiim aom khua te tawh kigawm khawmin Sangmansa Siavuan,Simah asem te leh asin lai Siamsinte, Siamsin sangnaupang ahi thei zah kipai hi. Siamsin Seminar (9) Heilei khuapan aki vaihawm ahi a (6) veina Siamsin Medical Trip to Guasing 15-17 April, 2016 kumin nuamtak ki zo hi.
Hih hun sungah kawlgambup Siamsin Makai teng thu kikupna Siamsin Summit zong kibawl hi. Kum lang nasepna teng report puakna leh mailam kalsuan zia dg kikup khopna kinei hi. 2009 pan kipan Siamsin Summit aki nei toto hi aa tukum 2016 in a (7) veina Siamsin Summit nuamtak kizo hi.
*Cina velna le zatui piakna
*Ha tawh kisai (Bot,phop)
*Naupang pattahna
*Thusinna
*Survey
*Summit
*Cidamna tawh kisai thugenna le leitung thu tuamtuam

Note: Guasing khua pen Zindo vaimuak siam,Anhuan meh bawl siam, etc...... ahi manin nuam kisa mahmah hi.
Lungdamna lianpi ih ciamteh hi.

Photo: Lian Bawi Siamsin & Zompi

ZRO Planning Director Pu Th. Thangzalun mualliam

Lamka, April-22 (PhualvaTimes) : Zomi Re-unification Organisation, ZRO a Director (Planning) lenlel, Pu Th. Thangzalun (54) s/o Th. Kaikhanthang of Simveng, Lamka, hun sawttak damlou a aki-etkol nung,

tunitak dak 6:30 in si hi.  Pu Thangzalun ahihleh Zomite adia nam-le-gam adia sem, mi poimawh mahmah hi a,  asihtan dong Zomi Re-unification Organisation ah sem hi.