Showing posts with label Article Religion. Show all posts
Showing posts with label Article Religion. Show all posts

Rev. Dr. Pu Kam Khaw Thang' Kammalte

Rev. Dr. Kam Khaw Thang' Kammalte:
• I mawhnate im lo ding, mi tawh thu i neih leh maizum seelna peuhin pang tentan loin thumbawl zaw ding, i mawhnate im loin pulak zaw ding.
• I zawh ngap lohte langbawl se loin om hithiat ding.
• Sum leh paai, annek tuidawnte ah thang gamtat lo ding.
• Kineih khem se lo ding, a zawng i hih leh i zawn'na im lo ding, a hai i hih leh i haina im lo ding, a zawngpi kihausak, a haipi kipilsak, cih bangte hoih lo hi.
• Mi gensia se lo ding, midang khat peuh thu i gen leh zong tua i gente pen i gen mite' zakin i gen ngam dingte bek gen ding.
• I siamlohnate ah a siam kineih selo ding.
• Kamciamna khat peuh i neih leh tangtungsak ding, i tangtungsak zawh loh dingte kamciamna nei vet lo ding.

• Mi simmawhbawl in neu ngaihsut selo ding, tuhun a, a neute nidang ciang a lian suak thei a, tuhun a, a liante nidang teh a neu suak thei zel hi. I simmawhbawlte i mai-et hun hong tun ciangin zumhuai mahmah hi.
• Innkuan sum zeekna ah ngeina kip nei ding, sumpi, sumkhol, zattawm ding a nam tuamtuam ciatin sehkhenin a ma sansanah a val in zatloh ding.
• Leiba nei dingin sum zang lo ding, i ngahna tawh kituakin zang bek ding.
• I tungsiahte langpanhuai lo hi. I paunak ah ''Lamsak leh pute kizo ngeilo'' na ci hi. I tungsiahte langpan lehang eima gimna hi lel hi.
• Zuau gen se lo ding, ahi bangbangin gen den ding, mi khat kiangah thu khat gen, a dang khat kiangah a tuampi khat in gen zel cihte pawl hoih lo hi. Lungsim nam nih nei selo ding cihna hi.
• Hun-awng omsak loin manlah den ding, na tampi septheih ding hanciam ding, a awng khong luate siatna tawh kizom thei hi.
• I hat laitak, i liat laitak, vang i neih laitakin midangte' na sak dingin gamta in na sem lo ding, a thuakte in a khantawnin mangngilh lo hi.
• Thulian khensat ding a om leh khensat pah loin hong kikum phot nung, ci-in a hun sotin limtakin ngaihsun ding.
• Midangte ngaihsutna zui-in na semin gamta lo ding, ei mahmah in man i sak bang bekin na sem ding, midangte' ngaihsutna zui-in i gamtat ciangin thu haksa khat hong om leh e'n siansak nading siamna nei lo i hih manin zumhuai hi.
• Ei leh ei kiphattawm selo ding, midangte phat dingin i om leh lungdamhuai hi. Ei leh ei kiphatna pen zumhuai mahmah hi.
• Khangno lai a siamna leh theihnate kip ahih manin khangno lai-in pilna leh siamna tampi i sin ding kisam hi. Khangham khit a sinte kimangngilh kik pahpah hi. Hih pen khangnote in a hun lai in a phawk ding thupi hi.
REV. DR. KAM KHAW THANG' TANGTHU TOM
• October 17, 1927 Tuithang ah suak (Pu Sim Tung Nung + Pi Ciin Za Dim)
• October 18, 1936
Apa in Khristian suahpih.
• May 18, 1972
Apa'n sihsan (kumkhat phakma a Nu si)
• June 1937 - March 1941
Tonzang ah Zolai tan 4 dong kah
• September 11, 1938
Rev. Vial Nang in tuiphum
• June 1941 - March 1942
Tedim Manglai sangah Tan 4 dong kah
• June 1945 - March 1947
Tedim Manglai sangah Tan 6 dong kah
• June 1947 - December 1950
Nelson Lai Siangtho sangah kah
• June 1952 - March 1956
Insein Lai Siangtho sangah kah
• June 1956 -December 1956
Hakha Lai Siangtho sangah sem
• May 4, 1957
Sister Niang' Khan Ciin tawh kiteeng.
• February 1957 - February 1960
TBA Secretary sem.
• 1960 - 1982
Tedim Lai Siangtho tei
• April 1984 - 2006
ZCLS laitei.
Theih ding: Hih a tunga Sia Thang' kammalte leh a tangthu tomno pen Rev. Job Thawngno gelh, ''Tedim Lai Siangtho hong bawlsak Rev. Dr. Kam Khaw Thang' Pianzia leh Sepzia'' cih laibu pan ahi hi. Adang tampitak om.
Sia Thang'zat kammal Jesu hilo Jesuh, Khris hilo Khrih, Khasiangtho hilo, Kha Siangtho, Laisiangtho hilo, Lai Siangtho, le hilo leh, Kam Khua Thang hilo, Kam Khaw Thang... cihte ama' zat ahihi.
by. Job Thawngno

Lasiam Sangpi ii thu Sangpi tektek ii genna

Sangpi’ thu Sangpi’ genna

By Peter En Lam Suum
            Sangpi pen Pagu Region ah suak in ah kum thum a phak ciang in Monywa ah tenghi. A neu lai  ngo ngei ci hi. Tan 3 pan guitor tum kipan in Tan 5 a kah ciangin hoih tak tum thei, biakinn ah la sa thei ta hi. A tum theih masak pen lungdam bawl la ahi hi. A man tum in a U nu in lasa hi. Hi bang in khang khia hi. “Pasian in la lam kiva ding thu pha hong piak hi. Bang hang hiam cih leh ka lungsim sung a om khat peuhpeuh la in ka phuak thei lian hi.” ci hi. Sangpi pen a neu lai in ganhing, ui, zawhngeu, ngasa cihte a uk mahmah khat ahi hi.
Pasian thupha tawh la ka at hi. A kisa thei a om bang in a kisa theilo zong tampi om hi.
2001 kum in akihawm Tuh-Yin-Khuan (Ama’ Anglum) lakhui sung aa kihel ding late Pasian hehpihna tawh ka tan 9, Tan 10 lai ka at khit sa hi. Tan 10 bel distinction ngah lo in a awng milmial ka hi hi. Ka khensatna ah Yangon tuak suk ding, lasa ding, minthang ding, hau ding, la lam ah gualzo ding, Kawlgam aa lasiam minthang te tawh liangko kikim ding.
Pasian la a sate Kawlgam ah lasiam aa kiciamteh lo, zawl la sak loh pha mawh, sa ding ci in ka khensat hi

Yangon ka tuah ni ding a zan nitak in ah biakinn ah lawmte pawl khat khukdin in a ki-ap om hi. A mau te in kham theih zang in kidekna tawh a ki-ap uh ahi hi. Ken ka zangh kei hi, zong ka duh kei hi. “Kei aa ding ki-ap ding kisam kei” ka ci hi.
Tua nitak mah in Pasian in kei hong sam hi. Kei zong ka lunggulh minthan nopna, gualzawh nopna le hauh nopna te nusia in Pasian kiang ah ka ki-ap hi. Tua hun lai takin kum 16 ka cing nai kei hi. Ka lawm te tawh khukdin in Gosple la bek sa ding in ka ki-ap hi. Tua pen kei aa ding in haksa mahmah hi. Ka khitui a luang hi. Ka khantawn love song sa lo ding in a ki-ap ka hi hi. Tua teng tawh Yangon ka tuak suk hi. Haksatna tuamtuam kawm kal pan “Nar-Kho-Yar” (Tawlngakna) Lakhui hong piang khia zo sam hi. La bekbek ka sep zawh kum 3, kum 4 bang hong cin ciang, lasiam te tawh zong ka ki maingap mahmah ta hi. Tua mun ah ka nuntakna” aa ding a lianpen dotna ka dawng ding hun a hihi. Ni dang pek pan tuciang dong mah a minthang lasiam khat in Studio khat ah hong sam hi.

Tua mun aa om lasiam khat tawh hong kihosak hi. Tua pa pen tulaitak Kawlgam ah Lasiam minthang pen cih ding hi mai hi. Aman “ Sangpi” ci in ka min a gen hi. Tua ka kimuhpih pa in zong “Aw, ‘Sangpi’ za ngei mah ing ei” ci hi. Kei zong naupang ka hih manin ka nuam mahmah hi. “Nang la tam sa lo maw? Zawl la bawl lo maw? A cih laitak hong pai pih pa in “A man Pasian la bek sa, a hih hang (album) bawl sak o! a man sa in teh” hong ci hi. “Maw? Nang sa ding maw?” ci-in tua kimuhpih pa in hong dong hi. Kei zong tawm vei sung ka ngaihsun hi. Ka ki-ap teng zong koi lai ah tung khin hiam thei nawn lo. Tua lasiam pa pen bang zah tak in deih ka hiam cih leh ni dang in Monywa hong pai ngei hi. Tua lai ah letmat (ticket) tawh ahih manin a kawm pan ka en sim hi. A la sak kal in a ma tutna tung ah ka tu sim hi. Nuam ka sa mahmah aa zong ka kipaak mahmah hi.

Tua zan zong ka ihmu thei kei hi. A ma’la ka ngaih kawmin, ni khat ni ciang a mah dan suak ding ci-in ka khensat hi. Tua pa in kei hong kawk in “Na sa dia” ci-in hong dot ciang, bang mah ka dawng zo pak kei hi. A man kei hong en in “Hi lo, na hun lem lo aa a sa kha lo na hih khak ding, a sa nuam lo maw? na hun a lem lo maw?” ci-in hong dot beh hi. Kei zong, ni dang ciang hong sap nawn loh ding lau ka hih man in “Sa nuam nai keng” ci-in ka dawng kik hi. Kigen thei lo. Mihing cih pen khe tal in ki tuk vat thei. Khat vei hong sam kik hi. “Sa nai kei ning” ka ci leuleu hi. A thum vei na ciang in a man “Bang ci-in maw nang zong Saw Win Lwin dan aa Pasian la bek sak ding a khensat khin maw? ci-in hong dong hi. Kei zolng kisuang pipi in “hi mah kei zong Saw Win Liwn dan aa ki-ap hing” ka ci hi.

Tua bang ahih leh hong sam nawn kei ning hong ci-hi. Zong hong sam nawn kei takpi hi. Tu dong mah hi. Tua aa kipan ka lunggulh minthanna, hauhna, gualzawhna te tawh kigamla ta kai ve maw ci-in ka lungkia in ka lametnate hong bei ta hi. Pasian thupha hong piak ngak ning ci in ka ki-ap hi. Tun in ahih leh ka kisik kei hi. Pasian in thupha tampi hong pia takpi hi. Ka um zo kei phial hi. A bei sa kum 10 lai aa ka lawm 5 le 6 khawng tawh biakinn ah ka ki-ap na pen Pasian in mangngilh lo hi. Ka ki-ap lai in ah nopci tak aa kiap ka hi kei hi. Lasa ding aa kithawi ka hi pan hi. Pasian thupha tawh kiphatsakna hi lo in lasiam minthang te tun zawh lohna mun te na ngawn zong ka tung zo hi. Pasian thupha nakpi takin a kicinna teci a pang ka hi hi.

La dawng khat tawh mi khat a khantawn kikhel vilvel zo ding in ka um zo kei hi. 2008 kum in “ Thai” gam “Chinmai” ah Sung Tin Par, Zamnu te tawh lasa ding ka tung uh hi. Ka la sak ma un tua pawlpi aa khangno pastor khat in amah tawh ka kimuh theih nading deihna tawh ni tak an ne ding in hong sam hi. Buaina tuamtuam tawh ka pai man kei hi. Kei zong pawi aa ding Note le lamal te ka bawl lai takin tua pastor pa hong pai in ah a mah le amah hong kipulak hi. “Kei pen Kawl ka hi hi. U Sangpi hong pai cih ka theih ciangin kimu lo aa ta lo ding ci aa khensatna tawh hong pai hing” ci-in hong gen hi. Kei zong ka nasep kawm mah in “aw hi maw” ka cih san hi. “Teci hong pang nuam hing. Kei pen ni dang aa thu um lo mi, U Sangpi la te ka ngaih khit aa kipan Pasian hong itna te thei in thu um mi a suak hing, tun Pastor a sem hing hong ci hi. Kei zong lamdang ka sa lua hi. Ka nuntakna sung ah khat vei zong ka tuah ngei loh thu a hi hi. Ka lai dal te khia in “Sia bang e na cih. Khat vei hong gen kik in” ka ci hi.

Pasian hong piak la in hih zah dong na sem ding in ka um kha kei hi. Tua ni in lamdamg sa lua le Pasian tung ah lungdam lua in ka khitui a tak loh nading ka ki ip teta hi. A bei sa kum 10 lai aa ka ki-ap na no khat in hi zah tak nasem hi lo maw cih ka phawk hi. Pasian min ka phat hi. Ka ki-ap na hang in ziaetna lianpipi te zong ka nawk zo hi.
La dang zong ka sa kei ding hi. Ka khan tawn tung in Pasian la bek ka sa ding hi. Pasian thupha hangin ka nuntakna ah mi sang in ka hauh loh hang, mi tawh liangko kikim ding nuntakna ka ngah hi. Tua sang a thupi zaw khat in mihing khat, kha khat pen leitung vangtung aksi, na khempeuh zah in man nei hi. Ka late ka teci pan nate hang in thupha om ding in ka lamen hi. Pasian min ka phat hi.

 Hih a tung a thu pen, 2011 Kum October kha in Trinity Assembly of God biakinn ah Lasiam Tg Thang Sian Sang, Sangpi i Hunzatna TAG Bulliten pan Zolai suah in a kitomlak kik hi. By Peter Suumpi

Pate pahtawi ni

   PA TE NI "PA TE " PAH TAWI NI 

Laisiangtho--" Nangmah in nuamsa in Leitungah na nuntakna a sau nadingin na
                          NulehPa na zahtak in"---(Eph.6:2)

 Utenaute,
                       "PA TE NI, PA TE PAH TAWI NI" i cih ciangin a pahtawi huai Pate om ding a, a pahtawi huai khollo Pate zong om kha theiding hi Tuamah bangin Pate a pahtawi nuam mahmah zong i om ding a, a pahtawi nuam khollo zong ki om kha thei ding hi.IhPA te zong a hawmthawh huaina ,kisapna zong a tawm a tam om mah ding hi, ahizongin bangbang hi leh i Pianna Pa ahihmanin kumkhat sungah nikhat, nai (24) sungah nai khat sung buang Pa te a pahtawi huaina leh a zahtak huainate  pawlkhat kikum leeng ka ut hi

PA te Zahtakna Pan Khansauna Thupha

              Leitung mite a si baih nuam kuamah i om kei dingin ka um hi.Ei Zomite bang diakdiak cidamlopipi mah,nuamsalopipi mah,zawng mahmah khiu kheu napin a sibaih nuam ki omlo in, a nungta nuam vive i hihi.Tunin i Topan ci hi, "Nuamsa a,nuntakna a sau nadingin na NuelhPa zahtak in," ci-in hong sawl hi. NulehPa zahtak ding cih pen thu haksapi ahihiam?Tanutapa te in i hih zo ding hiam?Bangin hong khak ahihiam?Tuni PA a nei lai ten," Pa aw,hong it ing, hong ngai ing,hongphawk lua ing Pa aw,thupha hongpia in hopih pah ni.Na pianna Pan na " AW" za nuam hi.Na kisik kei dinghi.Nuamsa a na khansau nading ahihi.

                Khat vei tangval nih tha kipiakna khatah ka om kha hi.Amah pen Malaysia pai
ding,sum thalawh ding, kikhakna hunkhat ahihi.A kicihna ah," lawm aw, na NUlehPa dam lai ahihi leh hampha hongsa ing.Zangkongah omsak inla, a hunhun in hopih zelzel in.Lungleengsak het kei inla,anneek tuidawn bangmah kisamsak het kei in,Antang a ipip in leisak in, sathau zong a bungpipi in leisak inla,nikten puansilh pan kipan sumlehpai kisamsak kei in,kei zong ka tua cih hi," ci-in teci pang kawmin kihanthawn uh a,thupi kisa mahmah hi.Tua val thu hoih bang om nawn mawk ding ahihiam? kici nuam liang zah dong ahihi.
                Tua nitak Sermon pia ding siapa hong ding to leuleu in Sanggamte lawmta tha kipiaknate thupi sa ing.Thangah huai mahmah hi.Pianna NulehPate lungleengsak lo a na kep na huaina te uh pen hoih mahmah hi.Ahizongin tua na pianna NulehPa te en kei mawk leucin Note zong na kumtam a,teek a, bangmah na sep zawh nawnlo ciangin kuanman hong enlo pah dinga,zong hong kivaklo pah dinghi..Laisiangtho in "na vawh bangin a gah na at kik ding" ci-in hong hilh hi.Na NulehPa na vaak na tah nate pen zahtakin kici nailo hi.Tuate pen tate sep ding, seploh phamawh tavuan hi zaw hi, cin limtakin hong haw to ziahziah a,lem   pah hi.i.
A Zahtak Huai PA TE Din Mun.
                   Laisiangtho sungah PA TE i cih Pasalte pen Numei lutang na  ci a,innkuan lutang zong a cihna hipah hi.Hi pen mihingte kiseh tawm hilo in Pasian seh hi a,Pasian deihna hi a,Pasian hong sawl ahihi. Laisiangtho sungah.. Evua in Pasian thu hongnial napin Evua mawhna kicilo in a pasal Adam mawhna kici mik mek mawk hi.Zawma alian 5 a neu 14 sungah,"Ahihangin Adam khangpan in Moses khang dongin mawhna in Adam' khialhna hangin a khiallote nangawn a uk hi."in kigelh hi.Numeite khialhna pen Pasalten thuak cih thu i gen phapha nuam hi.Tuamah bangin i innkuan sung vai khempeuh a sia, a pha thuak ding a om khempeuh"PA" ten thuak uhhi.Tuabang "Pa te" bangzah takin it huai ahihiam?
                      Falam ka omlai in Ciinmual vengah innkhat, a pate nitak homecell a pai kalin naupamngten mei tawh kimawl napan a inn hong halkha uh a,inn 4 bang kilawh in kangtum hi.Palikten delhpah in innteekpa koi om hiam ci in a pa uh kanpah hi.A Pa in zong" Kei hikeng, a om loh kal thupiang hi, ka tate hal khak hi" ci peuhmahlo in Palikte zui in thongkia dingin va pai ngeungeu hi.Tate mawh nate  phunlo puamlo in thuak ngam hi.Pate bangzah in it huai a, zahtak huai ahihiam?Tua bang a zahtak huai, na Pa na zahtak theihmanin iTopa lung dam a, nuamsa in, nakhan sau ding hong ci pah ahihi.Amen. Halleluijah. 
   
 PA TE Thupha Naak
             PA te in i thupha naak ahihi.Pasian in Minamte thupha hong nop ciangin Minam makaite tung tawn in thupha hongpai hi.Isrealte Moses tungtawn hopih in makaih hi.Pasian in Pawlpi thupha hongpiak nop ciangin Siampite tung tawnin thupha hong pia hi.Pasian innkuan thupha hongpiak nop ciangin PA te tungtawnin hongpia hi.Pasian kiangpan thupha hong luan ciangin tuizawn zui in, tui hong luan mah bangin Pa te tungtawn in tate tungah thupha hong luanghi.Pa hoih leh hoihloh tawh kisailo hi.PAte gina in,gina ta kei leh Pa ahih nungsangin Pasian in PAte tungtawnin tanutapate tungah thupha hong luangsak hi.Pilna nei in, nei ta kei leh PA pen PA munah na koih theih nak leh thupha hong luang ding ahihi.
           Abraham tungtawnin Leitung innkuante ah thupha hong luangsak hi.Tuhun ciangin innkuan pawlkhat sungah Pa te sangin NUte pilna lamah, laitan lamah zong sangzaw thei hi.Tei zaw ahihmanin innkuan sung zong vaan zaw thei uhhi. Tua zong ahi theiding khat mah hi.Ahizongin Nute in bangzah takin a pil zaw a,a tei zaw ta zongin Palo tawh vaihawmlo ding a,PA in lutang semin letmat thuu a,tavuanla ding cihna ahihi.A telnop dingin PA in innkuan lutangpi hiding a, NU in thuvanpi hongsem ding uhi.Tua bangin i PA te PA bawl in, zahtakna i piak theih leh Topan cidam khansauna  hongpia taktak dinga, innkuan nuam, Van gam malep i suak dinghi.Amen. Halleluijah.

PA te Lungngulh Lian Pen--
                   PA te in tanu tapa te tungpan a lungngulh lian pen  in sumlehpai hi masalo hi.Anneek tuidawn leh nikten puansilhte zong hilo hi.PA te lungngulh pen in tate tungpan PA bang a bawl ITNA, leh PA bang a bawl ZAHTAKNA ahihi. Laisiang tho in,"na nuntak a sau nadingin na NulehPa zahtak in,"ci hi. NulehPate pen it a, zahtak ding ahihi.
         Myitkyina ka sangkah lai in Kawlte tangval khat in Dek nungak khat ngai a, tangvalpa nulehpan phallo uhhi.Tua nu tawh na teen leh innpan paikhia ding ci hi.Tua pan a lawmnu nusia zolo ahih manin teenpih teitei hi.A inn pan a paikhiat ding ciangin a lawmnu tawh anulehpa mai ah khukdin suk in zahtakna  pia uhhi. Milim biate nangawn innulehpa tuazah dongin zahtakna pia thei uh ahihi leh ei Christiante in i Topa Pasian kammal bangin Nulehpa te zahtak ding, bangzah takin kilawm zaw ding ahihiam?Nulehpa zahtak ding cih pen Pasian kammal hi a,theihding ciang bek hilo in,zatpah ding leh zuihpah ding ahihi.Na cidamna ding nakhansauna ding leh na nopsakna ding ci hi.Amen. Halleluijah.

Na PA Simmawh Kha Kei In.
                 Paunak alian 30:17 sungah,"A Pa a simmawh mipa,a Nu' thu a mang nuamlo mipa, Va-ak in a mittang khelkhiatsak in, Musanete in a sa nee ding uhhi".ci ngeu mawk hi.Va-ak in na mittang khelkhia henla,nasa hong kinee leh bang man nawn ding na hihiam? Tua hi a,na PA simmawh kha kei in.Na thupha naak kikhak in, na hehpih huai kha dinghi.Na pianna Pa na simmawh  manin nang hong kithupi muh zawlo ding a,hong kineu muh zaw ding cih thei gige in.Na Nu zong simmawh tuan kha kei in.Amaute pumkhat ahi uhhi.Na Pa a om nawn kei leh zong na Nu kiangah pai inla, thudawh in.
SIMMAWHNA- cih pen Mawhna khialhna lianpi dingin kingaihsunlo kha thei hi.Ahihangin Pasin in deih hetlo hi.Simmawh paupih, simmawh hopih,simmawh bawl, hai bawl cihte PA ten zong thuak haksa uhhi.Na Pa a kumtam ciang bang mah sem zo nawnlo ahihmanin simmawh kha kei in.NUte in zong Pate zahtak bawl ding kisam hi.Adiakdiak in Nute in tate mai-ah na Pasal nasimmawh bawlkhak leh na taten zong hong simmawh nuam pah ding uhhi.

Na PA Khasia Sak Kei In.               
                        Ka khua vengte Papi khat khuado lawm anneekna khat ah,a Piancik paina vai kidong pen a gengen laitak a tapa kipilsak khat in a Pa bang ci sa ahitam maw,," hai mahmah teh Puteek",cin lit khat a suah phei leh a Pa zong paulo hamlo in khawlpah lian a, puai piatpah hi.A Pa in bang ci haim cih leh" lawmlawm, kei zong ka hat lai, ka khanlai om mah hi ven,"ci-in khitui luang ziahziah hi.Tua ziau tawh a pianna Pa khasia mahmah zo mawk hi.A Pa zong ciah pah vingveng a, kisam zo nawnlo hi.
        A sawtlo in bang thu hong piang hiam cih leh tua a tapa kipilsakpa gunah tuikia in si a,a Pa in va delhin a luang va pham a, sialpi khat kengsak hi.PAte bangzah takin thupi a,it huai ahihiam?Bangzah in zahtak ding kilawm ahihiam?A khuapihte in, "A Pianna PA khasiasak kha uh ahihmanin Pasian' dan thuak a, sihsia in si uh aa, a tate zong tagah suak in hehpih huai thei mahmah uh," ciin kikum khiankhian uhhi.
           Sanggam,Cidamin, nuamsa in na khansau nop leh na NulehPa zahtak inla,khasiasak kha kei in.Na Pa a dam lai hiam?Tunin Na PA hopih in",Pa aw , na dam hiam, hong phawk mahmah ing, thupha hongpia in Pa aw" cin hopih in. Laikhak in.Na Pan " Na -aw" za nuam hi." Na Aw " a zak ciang dam lawh liang ding hi.Tunin Pate khempeuh kipahtawi in,zahtakna ngah ta uh henla, Topa Pasian in cidam khansau, nopsakna thupha hongpiaksak tahen. Amen.

Technology leh sahang nambat 666

Leitung pen khangto bekthamloin khantohna manlang mahmah ta hi. Mipil misiamte ii bawlkhiatna zui-in nasep silbawl ziate tampi kikhel toto hi.

Nidangin, sumdal zatna pan in, bank card vive kizangh ta hi. Tu-in a hihleh, smart phone pan zongh kipia ziauziau thei ta hi.

Sumhau tampitakte ii a tuakkhak uh thu khat pen, a tate in, a pa card or phone tawh zinmang thei uhhi. A pa te in a theih uh ciang, bank ah report in, tua bank card khakcip sak aa, tua ma sung tampi na kizang khin thei hi. Tua danlo hacking ci in, kizatsak sim, kiguksak sim thei hi. Tua a hihman in, hih tawh kisai buaina a omlohna dingin mipilte in ngaihsun in sin kawikawi uhhi.

Tu-in, iPhone in, finger print bek tawh phone a kihong thei dingin bawl khinta uhhi. Password zat ziauh bek pen, hackers te aa dingin piang thei lai a hih man a hihi. Phone zongh mangthei, kisut thei a hihmanin, tua sang' a kipzaw ding ngaihsun toto lai uhhi.

Video sung khawng ah a kimu thei, kongkhak khawng lut dingciang, finger print or mitang scan cih dan bek tawh a kihong thei, kilut thei cih bang om hi.

A tomin gen leng, bankcard te zongh, a kia theilo, a mang theilo, a kisut theilo dingin vunnuai ah koih sin uhhi. Baanvun nuai ah koih uh aa lem hi. Ahih hangin, khut kitan thei ci in, pum tung ah koih ding ngaihsun uhhi. Sumpiakna nuam dingin, taltang tung ah hi leh, sai ngakte in scan mengmeng thei pen ding ci uhhi. A hihhangin, Laisiangtho sung aa kigen khol sahang numbat tawh kituak ding a hihman in ci-in, tal tung ah koih nuamlo uhhi. Gawngvun nuai ah a koih sin vua leh, scan ciangin maanlo thei, kipelh thei a hihman in, a tawpna ah, taltangvun nuai mah ah koih ding a hoih pen ong suak veve hi. 

Mangmuhna 13:16
Tua ganhing in a lian a neu, a hau a zawng, sila leh sila a hilo, mi khempeuh in a taklam khut tung uh ahih kei leh a taltang uhah ciamtehna a neihna dingun thu a pia hi.

Tuabangdan tawh vanlei vanzuakna ah vai ong lem mahmah ding aa, card thun dihdih, sumdal piak dihdih pen nawngkai ong kisa dingin, a tamzaw in, talvun nuai aa card pan piak bek ong sang nuam ding uhhi. Supermarket tampite in, member card, club card cih bang nei uh aa, tua hun caing, club member lutte bek in lei thei ding a cih hun zongh ong om kha ding hi. A zuak nuamte in zongh, tua bang talvun nuai aa card system a zat keivua leh kisanglo cih khawng ong om ding hi. Banghanghiam cih leh, tua bang system tawh a hih uh ciang bek, nasepna lem leh olzaw ding, bit zaw ding a hihman in, tua bang a zanglo te tawh kizopna nawngkai kisa ding hi.

Mangmuhna 13:17
Tua ahih manin tua ganhing min ahih kei leh a min tangin a nambat ciamtehna a tungah a neilo mi peuhmah, vanlei vanzuakin paikhia theilo uh hi.

Hih bangdan pen, taltung ah a hih hangin, computer tawh check ciang, scanner tawh scan ciang bek ki ngah ding aa, mihing mittang tawh kimu thei tuanlo lel ding hi. Taltang tung ah 666 ci aa ki suan venvan ding cihna hilo hi. Hih pen van khat i leisim a tung ah a om den, Universal Code hi ding aa, 666 cih nambat lian hi khin tuanlo hi. Ahizongin, a system khempeuh pen 666 mah kawkna, 666 tawh kisai cihna vive mah a hihi.

Mangmuhna 13:18
Hih thu-ah pilna kisam hi. Hih nambat pen 666 hi a, mihing khat min tangin a ding hi a, mipil mitei peuhpeuhte in hih ganhing nambat a cihnopna thei ding uh hi.

Pasian kammal pen, a tangtung baih leh a tangtung hak bek om aa, tangtung pelmawh a hihi. Laisiangtho pen, lunghianglo takin za ah za i up ding, i sang ding, i sim det ding, thupi mahmah a hihi.

Vanman khawng zongh, a khangkhang ding mah hilel aa lamdanglo hi. Laisiangtho in, kham hai khat leh an tawi khat a man kikim ding hi a cihsa a hihman in, tua danin a kikim dong, van man a khangkhang ding hi lel hi. Khangzel kiamzel mah ding aa, a kiam hun sang' a khan hun tamzaw in, a kiamzah sang' a khangzah tamzaw ding hi.

Vanman kiamna ding thu nget ding hilo aa, a mat zahzah man leizawh ding thu nget ding hizaw hi.

Lungdam mahmah
Innpi Emperor

Gen lehang, hong gen

- Vai hamsa khat peuh ka tuak ciang,
Midang ka gen kei zongin Zeisu kiangah gen ning.
- Mi khatpeuh in hong lunggim sak ciang,
Midang ka gen kei zongin Zeisu kiangah gen ning.
- Lungdamna hamphatna khatpeuh ka ngah ciang,
Midang ka gen kei zongin Zeisu kiangah gen ning.
- Hong piak thupha te hangin ka lungdam theih ciang,
Midang ka gen kei zongin Zeisu kiangah gen ning.


@ A hoihna a vangliatna ka muh taktak ciang.
Amah hopih a ka kikholh hun mah nuamsa pen ing.
1) Khukdin in thungetna ih neih hun tektek ahi kei zongin,
ih nasep kawm, kalsuan kawm mahin Pasian ki lungngai thei a,
ih lungngaih kawm in Pasian ki hopih thei in,
Ih hopih kawm mahin a AW kiza thei hi.
2) Kikhop kawm, laisin kawm, nasep kawm, lampai kawm in
Zeisu lungngai in lungsim tawh kizom lehang
ih lungsim sungah hong hopihna KAMMAL kiza thei hi.
3) Mi khatpeuh, van khatpeuh, vai khatpeuh, utna khatpeuh sangin
Zeisu tawh hun a tamzaw la in HOLIM ding kisin ning.
4) Ka vai khempeuhah Amah kisam den kahih manin,
Nasep ka kipat main Amah va zawn masa hamtang ning.
5) Ka vai khempeuh Amah va ko masa leng,
A AW tawh hong hopih in A vangliatna hong lak ding cih tel ing.

(JK Kam)

A nengno khat tawh zongh Laisiangtho Pasian kammal pan lam kipial kha thei

Pasian in a ma min kiphat a haza vantungmi seh thum suah seh khat te van pan lawn khia hi. (hazatna lungsim leh phat ngai luatna lungsim nei uh a hihman) Tua a kilawnkhia vantungmite leitung ah mihingte tawh ong mawh in, mihing sitnawnlo, mihing leh vantungmi kigawm pan aa suan leh khak ong piang hi. 

Topa Zeisu pen leitungmi khempeuh aa ding aa ong si bek hi-in, mihing hilo, ganhing te aa ding ong si hilo aa, vantungmi leh mihing kahbiaa, mihing sit a hilote aa ding zongh hilo hi. Tua a hihmanin, tua bang mite leh a suan leh khakte uh pen, vantung gam tung ngeingeilo ding uh a hihi.

Tua dan mite leh a suante uh pen, mihing taktakte in zongh gim neih hi. Tua te khat tawh a kiteng kha mihing taktak khat zongh, a suan leh a khakte ciang, mihing sit hinawnlo aa tua ii suante in zongh vangam ngah nawnlo ding uh a hihi. Tua a hihmanin, pelh theih zah in kipel nuam hi. Hih bang upna pen, hih Christian biakna bek ah hilo, Zomite lawki upna, Kawl milim bia upna leh biakna tuamtuamte ah zongh om hi. Hih te pen a khanggui uh a sianglo ci in, kiciamteh hi.

Piancial 6:1 Leitungah mite tam dingin hong kipanin, amau' sung panin tanute hong suah ciangin, 2 van aa om mite in leitung mite' tanute hoihsa uh ahih manin a deih bangun amaute zi-in a la uh hi.

Tuabangin, Pasian in vantung pan a lot khiat vantungmite leh mihingte leitung ah ong thangtat in ong om luat uh ciangin, leitung pen nin semsem hi. A tawpna ah nu leh nu, pa leh pa na ngawn mawhna ong kibawl hi. (Hih bang dan tatsiatna pen, tuhun gay te lak bek hilo aa, tuma kum zalam tampi lai pek in  a om khin a hihi.)

Piancil 6:4 Van aa om mite in leitung mihing tanute luppihin, amaute in ta a neih hun laitak hita leh tua khit hita leh, amau' suanlekhak Nefilim a kici mite leitungah om hi. Hih mite pen tang lai-a mi thahat, mi minthangte ahi uh hi.

Tua bang lak kawmkal pan Pasian in, a mah a it leh a zahtak, mihing sit lai a siang Noah mu hi. Noah samin tembawlpi bawlsak aa, leitungbup ah lei a dawklo zah dongin, tuicinpi tungsak in, tua bang mihing sitlo a sianglo teng leitung maitang pan hemkhia hi. Tua aa kipan, Adam leh Ave suan cih mah bangin, tua leitungmi khempeuh pen Noah suan vive i hihi. Tua a hihmanin, den aa a sianglo, vantungmi leh mihing kahbiaa suan leh khak cih pen, tua Noah hun khit zawh, tuabang dan mipen tuhun ah om nawnlo a hihi. (Pastor Joseph Prince: New Creation Church, Singapore)

Piancil 6:7 Tua ahih ciangin { Topa } in, “Ka pian'saksa mihing, ganhing, a bokvak ganhingte leh huih lak vasate, leitung panin ka phiatkhia ding hi. Bang hang hiam cih leh amaute ka bawl ka khial hi,” a ci hi. 8 Ahih hangin Noah in { Topa' } maipha mu hi.

A hizongin, satan pen hailo a hihman in, mihingte upna Laisiangtho tawh a kipelh theithei dingin ong khemkhem ong bumbum a hihi. Hihbang suan leh khakte tudong mah a om lai bangin, a upmawh huai theithei dingin ong khemkhem lai hi. Pasian tate thanem theihtheihna dingin, i kihenhenna dingin, khat leh khat kigim neih, a mah leh a mah kisungsia sak, kisuangsuang sak cih bangin ong bawlbawl lai hi aa, Laisaingtho Pasian Kammalte upna tawh pulaak in nial pahpah ding a hihi. Gtn. mihing khat si leh a kha pen leitung ah vak kawikawi nawnlo hi. Tua pen, sikha vak dan in ong um khial sak thei hi. A si pen ii kha taktak hilo aa, satan pen tua a si pen ki neih in a tangtang, a mel sun in kibawl aa zongh kilak khia mai cih zongh om thei hi. Tua pen, a taktak ah a si pen ii kha na hihetlo hi. Tua mah bangin, itna ngaihna cih hoihlo cih bang om kei ci aa, han ah tuibuk koih, an kholh cih bang dan tawh zongh upna ong pial sak thei hi. Han ah singlamteh bang kiphut sam napi-in, tuibuk khawng tua singlamteh phung ah a tungtung lai kiom kha thei hi.

Khua lam ah mangkang mel mahmah naungek khat ong suak hileh, sunglut ci-in kigen ding hi. A hizongin, Zomi nupa khat mangkang gam ah a tung khit uh ciang, a zi in, mangkang mel mahmah naungek khat ong suak hileh, sunglut ci-in ki ummawh nawnlo ding aa, DNA bang sitin kua mikang khat tawh mawh kha hi ding hiam kici ding hi. Cih nopna ah, a mun leh a hun zui in satan in ong bumbum ong mengmeng a hihi. Mun khat ah a uphuai khat pen, mun dang khat ah up ding san ding ong hi thei nawn mahmahlo cih bang om thei hi. Ahizongin, a tawntung in mun khempeuh ah a kitukalh ngeilo Laisiangtho siksen in upna te lenkip hi peuh lehang, hibang dan buaina leh khemna te kithuak khalo ding a hihi.

Upna paikhialhna ding, Lasiangtho pan tawmcik aa i pialkhialh kiau na dingin, upna leh ngeina tuamtuam Santan in i minam, i ngeina, i nisim nuntakna ah ong guan den a hihi. Zulei sam sukkan/tokan, mikhuling, kawlte' biden, veilam/taklam khut thak cih bang a nengno khat na ngawn tungtawnin satan in, upna tawh Pasian maipha i ngahna ding pan ong dal ong khaktan nuam den a hihi.

Santan aa ding pen, Lasiantho tawh kituaklo a hih naak aa leh a lung a kim a hihi. Christian i hizong, Buddish i hi aa Muslim, Hindu i suak zong, Laisiangtho pan lam i pial naak aa leh a mah a lungkim a hihi. Upna biakna tampi a om hangin, Santan mitmuhna leh ngaihsutna ah, nam 2 bek om aa tua pen, Laisiangtho Pasian kammal tawh kituak upna leh kituaklo upna cih a hihmanin, bang pawlpi bang biakna ah i om kawikawi zongin, Satan aa dingin Hindu, Muslim, Lawki, Buddish leh Christian gupna ngahlo teng khempeuh a kibangmang veve a hihi.

NISUH NIPI PANIN SIN DING

– K. Lang Kap, Champhai

Thumasa : Tukum ZBC thulu, ìKisinnaî (I Tim. 4:8) ahih mah bangin NISUH NIPI tungtawna thupiangte enkhawmin kisin ding omte sinkhawm dih ni. ZBC in Nisuh Nipi pen hun thupi mahmahte laka khatin zang den i hih manin gualzawhna tawh Jerusalem ah Topa Jesu a lutna hanga min tuamtuam i muhte nuntakzia (character) enkhawm ding hi hang.

1. Topa Jesu : I Topa Jesu pen leitungah a hun nunung ding a zang hi ta hi. Pahtawina leh phatna tam ngah het lo hi. Nidang laiin Juda pasal teín kum simin Paisan Pawi zang dingin a gante tawh a paikhawm zelzel uh hi. I Topa Jesu zong Jerusalem ah tua Paisan Pawi zang dingin pai a, aman bangmah keng loin, ama nuntakna apia dingin a pai ahi hi. Pasian leh mihing kikala kikhenna om pen, ama pumpi kipiakna hanga mawhmaina i ngah kik theih nadingin kithoihna dingin amah mah kipia ahi hi.

Kilemna Kumpi a kicih mah bangin mihing leh Pasian kikalah

kilemna Kumpipa ahi hi. Kilemna Kumpipa ahih hangin a kiniamkhiatna lim lah nadingin gualzawhna tawh Jerusalem alut niin Lano tungah tuang hi. Nidang laiin kumpi leh kumpi kilemna a bawl uh ciangin La tunga tuang thei zel uh hi. Kilemna Kumpipa ahihzia hong kilang mahmah hi. Tulai kumpi uliante dinmun tawh enkak lehang kilamdang mahmah hi. Kiniamkhiatnain gualzawhna ahi hi. Nupa kalah, Pawlpi sung leh vaihawmna khat peuhpeuhah kiniamkhiatna loin kilemna om thei lo a, a kam tamtam, a pau hangsan tata gualzo tuan lo hi. Jesu limpua-in, i omna ciatah gamta ni.

2. Lano : Mizogam ah La tam muh lo hihang. Ahi zongin, a tangthu a thei teín a gen uh ciangin, gan dangte sangin kiva zaw ci uh hi. Tua mah bangin sin nai loh Lano zong khalva-in, lee mahmah ding hi. Jesu tuan nading Lano ahih leh, a kisin lo ahih hangin Jesu tuan ding ut mawk a, Jesu thu mang ta zen hi. Gensa mah bangin Jerusalem ah gualzoa Jesu a lut niin Lano mel kidawklo hi. Mipiin Lano mu loin Topa Jesu bek mu uh hi.

Eite zong Jerusalem thak, Vangam lam zuana i pai laitakin, Pawlpi sungah, innkuan sungah ahi zongin Jesu mel kidawksak ding hi hang. Jesu mel kidawk loa, i siamna, i pilna, i hauhna sum le pai, i beh i phung leh i hatnate a kidawk zawk ciangin tuate in Jesuí mel liahin, haksatna leh ze- etna lianpi kituak lawh thei hi. Lano pen ganhing ahih leltak hangin, a tunga tuang Jesu pen Kumpipa ahih manin amah zong kipahtawikhawm hi. Eite zong miten ganhing bang lelin hong mu phial ahi zongin, Jesu neiin i tungah tuangsak peuh lehang, vantung Jerusalem ah hong kipahtawi veve ding hi.

3. La neite : Topa Jesu in, mi nih sawlin Jerusalem ah luta, a tuan nading Bethani khua ah La a kikhih a om ding thu leh va suut dingaasawlthuimuhi.Anei teín a dot uh leh, ìTopaín deih hiî cih lel ding pen thu haksapi hi ding hi. I kileisa nangawn zong a leipa leh a zuakpa muhloh a na kilei ngei lote i hih laitakin, La neipa in Topa deih thu a zak ciangin, a La tungah thu nei nawn het lo a, phal taka a kaihsak pen ettehhuai mahmah hi.

I Lai Siangtho in a La neitedinmun gen kha lo hi ding hi. Mimal maw, nupa kop maw, innkuan khat maw kithei lo hi. Bangbang hileh, Topa adinga a kiphalna ettehhuai hi. I gamah Topa na sem dingin ei i pai thei kei zong, Topaín a deih banga a zat dingin i tanu-tapa khat beek zong phal lo, sawl zo lo, sawl ngam lo, sum tha tawh lah pang tuan lo, neihsa tawh lah pang tuan lo, i piak sunsunte lah a zat tak loh tata, a hoih lo tata i phal uh hi. I hun leh ni hi taleh, ahoih teng sun khuavak hun sung eima na semin zan kikhawm ding nangawnin i hun i pia zo kei hi. Cim lua, sep ding phamawh neih loh ciang bekin Lai Siangtho a sim, a kikhawmte i hi hiam? Topa Jesu tuanna Lano neipa in ahih leh, a Lano a zatman ngen loin pia hi. Topa adingin i zi, i pasalte, i nu leh pate, i tu leh tate, i neihsa lamsa, i pilna siamna, i hun leh nite piak kisin dih ni.

4. Mi sawl nihte : Topa sawl ahih tei hangin man kipiasa lah hi lo, a neite phalna om lopi a La va kaih mawk ding pen thubaih hi lo ding a, thumaní kisam mahmah ding hi. Amaute nih in Lano kaiin Jerusalem a lutpih uh a, Jesu ki- ang a tunpih mah bangin eite zong mawhna henkol tangte a suutkhiading leh Van Jerusalem ah Jesu khephung a tun dingte i hi hi. Kamtaia mapai mi nihte bangin ei teín zong Jesu i huh theihna, i panpih theihna hun leh ni tampi om ding hi. Vaksuk vaktohna ah Jesu thu-um, Khristian hoih tak i hih nak leh, hih ding leh hih loh ding, sep ding leh sep loh ding i theihtawm ding, i sin tawm ding tampi om hi.

5. Mipite : Mipite ahih leh kamsang Zakhariah in a genkholh Messiah hong tung ding a cih uh hong tung ahih manin cihna ding thei loin, lungdam lua kisa a phat ziahziah, a awng ziahziah uh hi. Aneupen pan a lianpen dongin a nunglam leh mailamah apaite in, ëHosana …..í ciin awng ziahziah uh hi. ëHosanaí cih pen ëtuín hong hon iní cihna ahi hi.

Rom kumpi ukna nuai pan suahtak ding ngaklah luain thum uh hi. A neihsa uh khat zong siit loin, Kumpipa pai nadingin a puansilh lai uh lei-ah phahin, a neilo teín sawl hing siak uh hi. Rom kumpi ukna nuaiah a hau a zawng kideidan lua ahih manin, mipil mimawlte dinmun a kibang ding deihna ahi hi. Tulai huna mihon lamzuihna (procession) tawh a kibatna zong om hi.

Lungdamna Ni ahih laitakin mihon teín zong nget/kalh (de- mand) mah na nei uh hi. Ahi zongin tulai hun tawh a kibat lohna khat in, hih lamzuihna pen phatna, pahtawina tawh lamzuihna ahi hi. Tulai hunin, kumpi hoih hi, ci a pahtawina lamzuih sangin, lungkimloh lah nadingin lamzuihna tam zaw hi.

6. Farisaite : Tua bang, mihon teín Topa pahtawi leh phata a kiko ziahziah laitakun Farisai teín Topa Jesu kiangah mihon awngte kham dingin ngen uh hi. Tua mah bangin Satan in Topa i phat ding, i pahtawi ding hong phal loin hong kham thei hi. I zi leh tate tungtawnin, i pasalte leh lawm le gualte tungtawnin, amah phatna lasak ding, biakpiak ding hong kham thei hi. Nungakte pen tangvalteí zangin, tangvalte pen nungakte tungtawnin, sum le pai leh atuamtuam zangin Satan in leitung hoihna a vul pak dingte a kip ding bang kekin hong khem thei hi. Ahi zongin, Topa Jesu in, ìHih mi teín hong phat loin khawl ta le uh zong, lam dung a suangte beek in phatin awng veve ding uh hi,î ci hi. Sing le suangte a kiko sangun, phatna ding aw nei a, pahtawina ding khut le khe,mit leh bil neite’n i phat ziahziah ding a kilawm hi.

Thukhupna : Topa Jesu in Jerusalem a tamlawh thu zong i mu hi. A Judah mipihteí sung pan uliante, siampiliante leh laitheiteín a Kumpipa uh Jesu a theih loh lamtak Jesu in thei hi. Jerusalem khuapi zong A.D 70 a Rom kumpipa Nero in mei tawh a hal tum ding zong mu khol hi. Tua ahih leh, tuni-in ah, ulian tampi, laisiam tampi, mihau tampi teín a Kumpipa uh Jesu sangin kumpi dang,Pasian dang bia aphat a,hun hoih tampi a zang khialte bang kei ni. Mi teín Topa Jesu Honpa in sang a, zing sima bia a, phatna leh pahtawina tawh akikhop ziahziah laiun, nang koi laiah na om hiam? A aw neih zah uh siit loa, mi teín Topa a phat ziahziah laiun, siampiliante leh uliante tawh na kibang kha hiam? Na Topa phatnain awng kei lecin suangte hong kiko veve ding hi. Topaín a thu thhupha hong piaksak ta hen. Amen!

Source : Laitai#March/2010 via FGA Tulsa

JESU’N EITE ADINGIN THUAK

-Rev. V.L. Krawschhuanmawia
Isaiah in, “Amah in eiteí natnateng thuakin, eite gimna tengpua khin taktak hi…am liamna hangin damna i ngah hi,” (Isa. 53:4,5) ci-in eite tanga thuak ahih dan na gen khin hi. Eden natna, siatna leh gitlohna khempeuh ama tungah kinga ahih maninGethsemani huanah lungkhamna in buak a, ama bawlsa mihingtein satin, ciamnuih bawlna in zang a, ling lukhu khusak in, singlamteh tungah sihna thuaksak lai uh hi. Hihte khempeuheite gitloh mana thuak ahi hi. Hih Good Friday hunin Gethsemanihuana i Topa lunggimnate, Pilat maia bawlsiatna a thuakte leh
singlamteh tunga a thuaknate lungngai khawm ni.

1. Eite hanga lunggim hi: A nuntak laiin Rabi thupi leh nungzui tampi nei himah leh tuin Gethsemani huanah lunggimintau hi. Hih hunma in zong lunggimna lianpi thuak khin hi ding hi(Joh. 12:27). A kammal panin a thuak ding haksatna leh gimnate hangin lunggim takin om cih kilang thei hi. Inndei tungnung pan Pasian phatna la sa kawmin pai khia uh a, tun bel dahna leh kahna thu bek kiza ta hi. Nakpi taka lunggim in dahnathuak a, Pasian tapa hi kei leh lunggim manin si zo ding hi. A khaw-ul sisan bangin taak ahih manin nakpi takin lunggimcih kilang hi.

A khaw-ul golpi in taak hi bek loin, sisan tawh taakkhawm hi. Zatui siam Galen in, ì Lauh luat manin, sisan tawh akipolh zawngsan lam (crimson) luang khe thei hiî cih thu gen hi. Warren W.Wiersbee in, “Hih banga thuakna pen ëhematidrosis’ ci uh a, lunggim luat manin sisan gui (vein) neucik kitat thei a, tua sisante khaw-ul bawmah lut a, khaw-ul pen sisan bangin taak thei hi. Jesu in lunggimna nakpi takin thuak ahih manin a vunnuaia capillary vein kitatin, a khaw-ul tawh kigawm in luang hiding hi”ci hi. Lunggim manin khaw-ul nelkai luang thei mah ei, ahi zong sisan bangin a khaw-ul taak ahih manin, nakpi takinJesu in lunggimna thuak cih kilang hi.

A dawn ding hai pen Pasian tawh kimelmakna hai (Mt. 26:37, 38), Pasian hehna hai (Isa. 51:17) leh thuakna hai (Lk. 22:42)hi. Charles H.Spurgeon in, ” Uang gen luat om thei kei, a dawn ding hai sungah gawtmun (hell) kisunglut hi” ci liang hi.Mihing  piangsate leh piang nailote in zong a thuak ding uh sihna lehthuak na khempeuh a hai sungah kisung khin ahih manin, a thuakgimna pen thuak haksa ding mah ahi hi. I natna leh lunggimnatepen eite  thuak zawh ding bang hi lo ahih manin Topa in hongthuaksakin hong puaksak hi. I natna leh lunggimnate khempeuhTopaín ama liangko tungah pua hi. Ama hakkol i puak siam hunpeuh ciang eite zong i van zang ding hi.

2. Eite hangin bawlsiatna thuak: Pilat in thukhenna a bawlkhit ciang Rom galkapte in a ut bangun bawlsia a, ciamnuihbawlna in zang uh hi. Puansan silhsak in ling lukhu khusak uha, a khutah pumpeng ciangkhut tawisak uh hi. Tua ciang cilphihuh a, a pumpeng tawi laksakin a lu pan sat uh hi.

a) A puan suahkhiatsak uh hi :I Topa puan suah khiatsak uh a, guangtangin om hi. Mawhna in tangguang ihih lam hongphawksak a, hong maizumsak hi (Pian.3:7). Adamte nupa amawh uh ciang tang guang ahih lam uh kiphawk hi. Jesutangguang a omna in mi mawh ihihna kilangsak hi. Pasian muhnapanin eite tangguang lel ihi hi. ìTopa Jesu in tua i mawhnathuakin, i hauh theihna dingin kham citakte, a zumhuaipi lehtangguaka i omna pan puan pak i silh theihna ding leh khua imuh theihna dingin mit zatui i neih theihna dingin Jesuin thuakhiî (Maang..3:18).

b) Puansan silhsak uh hi: Puansan in i mawhnate pua hi cihkilangsak hi. Isai. 1:18-ah i Topa in, “Tuin hong pai un la, thukikum khawm ni. Na mawhnate uh puansan a bat hangin vuukbangin hong ngo ding hi. Na mawhnate uh si bangin a san hangin tuumul bangin hong kang ding hiî na ci khin zo hi. Jesuin i mawhnate ama sisan tawh hong sawpsak hi.

c) Cil phihin sat uh hi : Ngeina danah kumpi leh uliantezahtakna leh amau adingin muanhuai hi cih kilahna dingin abiang uh tawpsak uh hi. Galkapte in Jesu zahtakna in cilphih insat uh hi. Nang leh kei hang ai ve hih banga i Topaín cilphih leh sat a thuak. Thukhenna ni ciang cilphih in sat kei tak un teh !Adamte nupa in Eden huanah Pasian cil na phih khin uh a, tuhun in zong Pasian thu zui lo a leitungthu i teel zawk ciang Pasianmaiah cil a phih ihi hi. I mawhna khempeuh amatungah kisuanahih manin, cil phih tak, satna thuak tak mah ahi hi. Romgalkapte in cil a phih uh leh a sat uh pen Pasian hi loin nang lehkeima mawhna hi zaw hi.

d) Ling lukhu leh ciangkhut pia uh hi : Ling lukhu in leitungkumpi gam pen Pasian samsiatna a thuak kumpi gam hi cihkilangsak a, ling pen samsiatna etsakna hi a, mawhna hanga hongom hi (Pian.3:18). Mawhna hanga Pasian samsiatna eite tungaom etsakna hi. Mawhna hanga Pasian samsiatna i thuakte Jesutungah kisuan hi.(Gal.3:13). Kumpi ciangkhut dingin pumpenga piak un hih leitung kumpi gam kiplo cih kilangsak hi (Mat.11:7). Mawhna sunga om eite kip loh dan leh muan tak ihih loh danhong musak hi. Hihte khempeuh Jesu in pua in, kumpi gamkipzaw hong bawlsak dingin sihna guam sung tawnin pai hi.

e) Kumpi bangin bia uh hi: A maiah khukdin in,”JudahteKumpipa”ci-in zahpihna tawh hopih in nuihsan in cilphih uhhi. Tulai hunate in lungsim leh kha tawh I Topa i bia hiam aw ?Mite muha muan huai, kuama om lohna ah cihtakna a nei lote ihih leh ciamnuihna tawh a biate tawh a kibang ihi hi.

3. Ama liamna hangin damna i ngah hi:A beisa kum zakimin galkap thumang lote ngawtna a piak uh ciang savun kawnggak tunga ling zum kithuah tawh sat zel uh a, sisan tampiluang hi. Khatvei galkapte laka khatin sum gu a, kipulak nuamlo ahih manin, galkap khempeuh tua savun kawnggak tawh satding ci-in Officer in thu pia hi. Galkapte laka khat Willie in Of ficer kiangah, “Pu aw, galkap khempeuh in sat a thuak sanginkeimah hong sat mai in. Ahi zong sum pen kei guk hi lo a, sumgupa thuak tang keiman thuaksak mai ning” ci hi.

Officer in Willie a et ciang cidam lo, thahat lo mel pua ahihmanin, khauhual tawh sat leh a sih theih phial ding um hi. Ahizong galkapte thuak tang thuak dingin kipia ahih manin sat dingthu pia a, khihcip in sat uh hi. Nih vei a sat uh ciang sisan bua ziahziah hi. A thum veina ding ciang sum gupa in lainat lua ahihmanin hong ding khia a, “Sat nawn kei un, sat nawn peuhmahkei un. Sum gupa keimah ka hi, kei hong sat zaw un” ci hi.

Officer in sum gupa sat a sawm ciangin Willie in, ” Kei hongsat khin ta na hih manun hihpa na sat thei nawn kei ding uh hi. Ama thuak tang ka thuak khin hi” ci hi. Sum gupa tua ngawtnatawh kipelh a, Willie ahih leh a liamma thuak zo loin si hi. Gutapakisik lua ahih manin khatvei mah guta nawn lo hi ci uh hi.

Ei a guta thei zelte, a mawh thei zelte, a kisathei zelte hi naipi, a ki-imcip zelte adingin i Topa Kalvari mual singlamteh tungahkikhai a, kuamaín huh lo hi. Amahin i natna teng thuak a, eitegimna teng thuak takpi hi. Eite khelhna hangin amah kiliamsak  a, eite mawhna hangin amah kisatnim hi. Ama liamna hangindamna i ngah hi.

A thuakna a telte in Pasian hong itna bangzahin thuk hiam cih thei uh hi. Singlamteh tungah a kilhcip laiun mipite leh galkapte, Jesu nungzuite khempeuh leh Galili gam pana a paitekhempeuh in bang thu piang hiam cih tel takin thei uh hi. Tuamite in Jesu melah thuakna sangin itna leh a gualzawhna melmu zaw uh hi. Amaute mawhna limlanga ki-et bangin tel takinmu uh a, kisik a awm tum kawmin inn lam zuan uh hi. Nai takpan a mu, a cih dan khempeuh uh a thei galkapmangpa in banggen hiam cih leh, “Hihpa, Pasian ta taktak ahi hi”ci hi. Tu kumaGood Friday a zangte khempeuhin, singlamteh tunga Jesuthuaknate eite mawhna hanga thuak hi cih i phawk khiatna hongsuak ta peuh hen la, Pasian hong itna mel etlawm leh muhnuamtakte in i lungsim leh nuntakna ading khawvak hong suak ta hen.

Source: Laitai#April/2015 via FGA Tulsa

Laisiangtho gelhna ah a kidophuai lai malgawm

pasian leh Pasian kibanglo hi.
topa leh Topa kibanglo hi.
pasian tuamtuam tampi om in, a hih hang' Pasian khat bek om hi.
i lai gelhna te ah zongh, Pasian zahtak piakna leh thupitbawlna in, kidawm tak in zat tektek huai sa ing.


Hong kiphawk sak, ka Pasian aw

KA PASIAN AW ...!
(Hello Dear God)

1) Na hoihna ka muh ciang kei hoihlohna ki phawk ing.
2) Na siangthona ka ngaihsut ciang kei kihhuaina ki phawk ing.
3) Na vangliatna ka ngaihsut ciang kei thanemna kiphawk ing.
4) Kei hoih manin hong it hilo na hih manin mawhnei midang zong kei mah bangin na it ding lam nong phawksak hi.
5) Kei tung nong hoih manin hong phat ding ka hi kei a, phat ding kilawm na hih manin hong phat ka hi zaw hi.


6) Ken kong pahtawi manin Na min a thang pan hilo a, Na minthanna hong pahtawi ka hi zaw hi.
7) Ken kong biak ciang Pasian na hipan kei a, Pasian na hihna thei in hong bia ka hizaw hi.
8) Mit tawh kong muhloh hang ka sungah nungta in thugen thei nahih manin kei adingin anungta Pasian taktak na hi hi.
9) A vanglian, a biaktaak a nungta Pasian kong biak khak mah hampha kisa pen ing ei Topa.
10) Pasian aw, Nang tawh hunla a ki holim hun sung a ka nopsakna zah in thudang vaidang ah nuam kasak lam thei ngei nai keng e.

11) Leitung thu tawh khitui luang leng tha bei napi, Nang tawh holim in khitui luang leng nosuak in ka tha dim ahih manin, kei tawh hong omkhawm na hih lam nong phawksak hi.
12) "Pasian om kei" aci a om zongin Nong ompih lam thei kahih manin miten nang hong up nadingin ka gen ding Na kammal ka sung hong guan zel in maw.
13) Ka deih ka gelna te a tangtun loh zel hangin Na hoihna leh Na vangliatna a kiam hilo ahih manin hong phat veve hong muang veve ning maw Topa...!
14) Kei ading kisam nong sak te a hunzui in nong piak ding lam thei ka hih manin kei deihna sangin Nang deihna sem zo zaw nuam ing ei Topa.
15) Thupha nong piak ding ka deih manin hong bia ka hih leh hong maisak in la, Na thupha sang Nang hong deihzaw ka hihna ah dingkip ta ning ei maw.

16) Kei ading bangmah hong ngen kei zaw ningin, Cikciang? Koi ah? Bang na? Koicih sem ding? cih Nang' nong deihna theitel nuam zaw ing.
17) Kei nong piak lai ding thupha teng genloh kei nuntakna mahmah sangin zong Nang thupi hong sazaw kahih manin kei vai ding Nangman hong hawm in maw.
18) Vai dang sang Nang hong masak zaw ning in, kei tungah vaidang in hong zawhgawp main Nang man hong zo masa tawntung ta in.
19) Vantung-leinuai, ni-kha-aksi, huihlak-tuisung, thunei kumpi-minam khempeuh leh na khempeuh Nang khutsung ah om ahih lam thei gige napi ingin banghang hong muanglah thei zel zen ding ka hia le?

JK Kam

Laisiangtho sung aa thute leh science

PASIAN UMLO TE' MUHNA

Pasian umlo Sen (Chinese) Scientist 10 in kum zalom 17 lai, Laisiangtho a sittelna tungtawn  an a muhkhiat uh thu te:

1. Mihing pen leivui pan kibawl (Pn 2:7) cih sittel uh a, mihing pumpi sunga naa nam 7 pen, leivui sunga om naa nam 7 tawh ki bang hi cih mukhia uh hi.

2. Noah hun aa tuicin tunkhit ciangin pasal 4 bek aom bangin (Pn 9:18) leitung bupah sisan nam 4 (A,B,O,AB)aom na pen Laisiangtho kicin'na hi cih mukhia uh hi.

3. Pasian in mihing te: "Pung un la, tampi pha un"(Pn 1:28; 9:1).acih bangin kum 1 khit 1 leitung mihing punzia amuh cian un, Laisiangtho kicinna hi ci in sangthei uh hi.

4. Pasal nakguh pan numei kibawl (Pn 1:22) cih sittel uh a, pasal veilam nakguh 6 na pen adangte sang' tomzaw cih mukhia uh hi.

5. Pasian in mihing te ukna za (Pn 1: 28) a piak bangin Saipi leh Humpi nelkai te' mihing  thu a man' theihna mukhia uh hi.

Lungdam zel ei'...Mun Khai'pa.


Valentine's Day hong kipatna

Mi siangtho Valentine ii’ ni pen Valentine’s Day kici hi. Kumsim in February 14 ciang leitung gam tuamtuam ah kizang hi. Kum thak khitcianga ni thupi masa pen ci leeng kikhial lo phial ding hi. A tom in a ki it, a ki ngai te’ ni cihna hi pen hi.

Misiangtho Valentine pen kumpi Claudius II hun laiin Rome ah siampi khat ahi hi. Tua hunlai in kumpi Claudius II in a kumpi gam ahih theih zah in kemcing hi.Melma ten do zel ahihmanin Claudius II ading galkap hong tawm sem sem hi. Zi nei khinsa ten a zi leh tate uh nusia nuam lo uh hi.Lawmngaih nei tangval ten lah a lawmngaihte uh paisan ding haksa uh hi. Tua ahihmanin galkap a lut nuam mi tawm hi. Galdo ding galkap hong tawm tak ciangin kumpi Claudius in Dan thak khat bawl hi.Tua Dan in nupa nungak leh tangval kiteen ding phallo hi. Valentine in tua dan hoihsa lo ahihmanin a sim tham in zi nei veve hi.

Valentine in kiteenna kitangsam sa hi.Nupa suahna om kei leh kiteenglo a nupa banga omkhawmna(Living together) mawhna khang zaw ding ci hi. Zan khat kiman in Suangkulh sungah kikhum hi.Thusitna banah vuak leh sat thuak in February 14, in si hi.A sih khit AD 496 ciangin Pope Gelasius in February 14 ni pen misiangtho Valentine zahtakna ni a zat dingin ciamteh hi. Valentine in amah a leh hek Asterious ii’ tanu Julia tangthu, tuatdan(arithmetic) leh Pasian’ thuhilh zel hihtuak.Valentine in Julia thunget sak zel hi. A sihkuan ciangin Lai khat gelh in tua ah Julia tawh a kilawmtakna hangin lungdam thu gen hi.Tua banah Pasian tawh kinai den dingin hanthawn hi. A tawpna ah “Na Valentine kiang pan”(From Your Valentine) cih gelh hi.

Ki it-kingai te adingin ni thupi khat ahi hi.Ki itna kilawmtakna ki latsakni ahi hi.Thu kigelh Card leh present tuam tuam piakna tawh hun kizang zel hi.Valentine’s Day symbol a tuam tuam om in lungtang, Vakhu lim etc. khawng ki limzat peuh mah hi. Thangpi Naulak

Israel gam aa Galilee tuipi leh Si tuipi kilamdanna

Israel gam na zin ngei leh Galilee tuipi* le Si tuipi* (Dead Sea) kilamdanna na mu kha ding hi. Galilee tuipi ahih leh tuisiang in nuntakna nei tuisung ganhing tampi a sung ah om in, akiim apaam ah singkung le mehteh mehgah te zong hingsak hi. Tuni ciang dongmah in ngasa kibeng lai hi.

Ahizongin Si Tuipi ahih leh kilok lo, luangkhialo dai dide in a om hichiat hi. Ama sungah le a kim ah nuntakna nei bangmah omlo hi. Galilee tuipi ahih le Israel gamlu lam ah om in Lebanon mual tung panin lui tuinak te a ngah ahi hi. Ama kiangpanin zong leitaw lam zuan kawmin Jordan gun a luangkhia hi. 

Tua Jordan gun ahih leh Si Tuipi sung ah lut hi. Si Tuipi in Jordan gun panin tui ngah mah taleh piakkhiatkikna, akhakh tuinak neilo hi. Ama mun ah khawlsak in akholcip hi. Hih in i gennop thu ahi hi. I nuntakna a nosuah nading le gah hoih tampi a gah nading in sungtum le pusuak, ngahna le piakna kikhaikimna, kilekkimna (balance) ding kisam hi. A lut om mah bangin khahkhiat zong a om kul ahi hi.

Nk Khanno via Zingsol

Pawlpi buai theih zelna thute

Pawlpi Minvai: Lai Siangtho thuciamlui lai-in Hebrew kamin Qahal cih na zangh uha, ei pau in Pasian mi or Pasian tel Israel te acih nopna hi, aci zong om hi. Thuciam thak ah Greek kamin Ekelisia cih na zanga, a kisamkhia, a kitel tuamte cih danin a khiazong om hi. Mangkamin Assembly, Church cih bang dan a tuamtuam in na khia uh hi. Khanglam aom Zomite’n Pawlpi cih kammal zangin saklam aom Zomi te’n Saptuam cih bang danin na zangh uha, I deihna I cihnop aki bang ahi hi. Church cih kammal hong zangkhia masa pen I Topa Zeisu hikha ding hi. Bang min bangmin na vawh zongin Church(Pawlpi) cih kammal na zat leh na nu, napa, na pi, napute pianma pek-in I Topa Zeisu in na zanghkhin cih phawk in. A min na suklaih na tolaih hang na lungsim leh Pawlpi paidan Lai Siangtho tawh aki tuahkei leh Pasian thu tawh kituak a, a kalsuan nuamte’n hong taisan ngamlua lel ding uh hi.
Pawlpi kei phuhsa hi: I Topa Zeisu in I will build my Church (Matt 16: 18) naci ahih manin Pawlpi phuankhia, pankhia masa pen I Topa Zeisu hi-a, Singlamteh tawh na kipsak hi. Pasian mizat MN.Thomas in tua thu na nak tellua ahih manin “The Church without the cross is a social organization”(singlamteh tawh aki phutlo Pawlpi pen leitung ki pawlna hilel hi), naci hi. Tua ban-ah The blood of the Martyr’s are the seed of the Church (misiangthote sisan in pawlpi piankhiatna ding khaici hi) nacilai hi. Tua hina pi’n hih Pawlpi keima phuhsa hi, koma patkhiat hi, no zanmah mi hilel uhteh, noma thu hong kimang kenteh kei thu bekmah thu cining, hong mangnuamlote taikhia lel hen, dawi pawlpi asuah kei nak uh leh phamawh sakeng ci-a, Pawlpi a makaih ngam sia, upa pawlkhat Zomi sungah ki omta zen hi. Lai Siangtho limtak simlo, Pasian zahtaklo, Sang limtak kahlo uha, MN Thomas gen danin Pawlpi pen leitung ki pawlna, panmun ngahna, mi ukna, gilpi ading ngaihsutna peuhin a zang,  mi pawlkhat om uh hi. Tuaci bang munte ah Pasian thu leh Lai Siangtho tawh  limtak a kalsuan nuamte’ aom khak leh tua ki pawlna paikhiatsan ngam lua uh hi. Iplah lolua uh hi. Thupi salo lua uh hi.  Hici bang dan a kizatna mun Pawlpi peuhmah I Topa Zeisu innteklo ahih manin cihmah hunin nuamngeilo hi.
 Fellowship leh Group tello : Fellowship cih ciangin khat le khat ki thuah khopna, thu-um mite khat le khat ki thuah khopna, ki pawlkhopna hi-a, nungzuipi masate ki khawlkhopna mun-ah hih kammal na zangh uh hi( Sawltak 2: 42). A deihna atel te’n lai limtak a simte’n milak khawngah ko Pawlpi ci-in genngam, zanghngam khollo uh hi. Hih sang a, a suukzaw khat omlai a, Group or connect group ahi hi. Namdang Pawlpi a belhbomte, amau hun-awng kal-a kikhawm pakte a sapna uh hi-a, laitam simlo, bangmah thunung thuma a ngahsunthei mello te’n milak ah ko Pawlpi, ko Zomi Pawlpi cih kammal zangh ngam uh hi. A belh uh Pawlpi makai Pastor te mai-ah lah Pawlpi a, ading zonai hikei ung, ci-in, Zomi bangmah atel nailote lak-ah lah Pawlpi khat in hong sanguh hi, ci-in mipi hong khem uh hi. A nunguh a zuinuamlote, a thu uh a manglote Zomi itlo, minam itlo ciziau lel uh hi. Pawlpi kician khat in a thuneu penin register, letter head, bylaw etc, nei hamtang uha, tua bang a neilote a pumtung leh a inndim in Zomi leh Pasian min a gelh zongin bel vetken kisiik ngeiloding hiteh. Hici bang mite Zomi min leh Pasian  azuak, a daisuak uh hilel hi. Sum le pai, huhna themkhat ngahna hang lel tawh na minam leh na Pasian zuakngei kei in. Hici bang mite makaihna ki pawlna buai pel mawh hi. Fellowship hoihlo cih nopna hilo in a ut banga paipihte hoihlo a cinuam I hi hi.
Makai utluat man hi: Lai Siangtho sunga Pasian mizat, makai dinga a telte pawlkhat bang in theikhol peuhmahlo, pawlkhat bang lah utlolua kisa nialnialta leh nialzoloi uh hi. Moses bangin nial cih tak-in a nial hangin nialzolo hi(Pai 3:5-12). David bang lah tuucing in gampalak ah aom laitak hi-in theikhol peuhmahlo hi. Tua hita leh Pasian in na zangh teitei, na tel teitei hi.Tua ahih manin biakna makai ding peuhmah sia hita leh upa hita leh a utlua, a semnuamlua a, mi pawlkhat adap mai etet, Mee a dap zonzon peuhmah zatvetlo ding thupi hi. Tuaci bang mite in Pawlpi hong buaisak nuam thei uh hi.
Pasian nasem biakna makaite simmawh hang hi: Uziah kumpi pa’n  siampi 80 a tuhsawm manin a taltangah phaknatna om hi( II Khang 26:18-22). Siampi Eli ta te’n Siampi nasep a simmawh manun galsungah sikhin uh hi( I Sam 2:12-35;3:12-14). Elisha lukolhpa ci-a, a zahko naupangte Pasian in naupang hi, cituanlo in Vompi nih in balzan hi(II Kum 2: 23-24). Moses leh Aron pen Korah leh a pawl te’n a lang pan manun mihing 14700 leihawm in valhtum hi(Gam 16:1-50). Tuhun nangawn ah Pasian nasem taktak Pastor te leh UPa, biakna makaite a langpan’ a gensiasiate Pawlpisung, innkuansung nuntakna na enlecin na enhetlo tampi na omding hi. Sum le pai inn le lo a neihkhaphial zongun a tate, bangci nuntak, Kha lam-ah, pilna sianna ah, zi le ta vai ah a tuahpha hetlo Zomi sungah tampi omkhin hi. Hong kisim mawh leh hong ki nuainet leh thukse kei-in. Pasian in nangtang in akhauhzaw in thukdinga, ama uh a nuntakna uh khimzing mahmah, bing mahmah ding hi. Kumpi Sual in Pasian nasem kamsangte a bawlsiatteh a tungah lunggimna tungsemsem in a gamsung buai semsem hi.
A Theihhuai Thu Pawlkhat:
1.     Pawlpi buaina a daihtuamna dingin: Khanglui lai in khua khat peuh asat uhteh, hausa sem ding, siampi semding, siik sekding, tuilam asai ding cih bang dan a tuamtuam in na kikhen dimdiam uha, tuaci bang omna khuate, khua kician in kiciam teh hi. Tuamah bangin Pawlpi khat I din sawmteh Lai Siangtho limtak simphot in kei Pasian in bang talen hong pia, ka lawmte bang talen pia cih tel photding thupi hi. I vekpi in upa I sepnop, I vekpi in sia I sepnop mawk a, a nakhem peuh I sainop detke mawk  leh bel kuamah tawh kipawl vetlo a eikia tangding vetleng minam cidam na pikhat leh mi dangte tawh ki lemna pikhat hikha ding hi.
2.     Pawlpi khat peuh, ki pawlna khat peuh ah nalut dingteh: Pasian thu tawh a kalsuan nuamta ding leh minam itta dingin Pawlpi khatpeuh na lut dingteh bang hiam, atup a ngimna uh, bang cidan hiam, a kalsuan dan uh cih dongtel masa, kantel masa inla muhtheih in a laitawh hong lah theih uha, tua na lungkimpih leh lut panin. Tua lopi amau kamsiam leh tanau meltheih vaikhawng tawh nalut miau mawk leh na kisik peuhmah ding hi. Hun neihteh aban zomzel ni.
 

Khaibawi

Kum 2015 leh a beisa thu pawlkhat

1945 kum in, galpi 2 na man hi. Kum 6 sung sawt aa, galdo ding thu kipat hun teng tawh galdo hun teng tawh kigawm leh kum 7 sawt hi.

Hih 1945 pen 7 gawm lehang 1952 hi aa, 7 vive baan gawm tohtoh lehang, 1959, 1966, 1973 cih bang dan a hihi. Hih bangdan 7 ta gawm sim in thu lianpi khat ta leitungbup huam in piang den hi.

I theih pak dingin, 1973 kum in, leitungbup aa inn sangpen World Trade Centre innpi New York khuapi ah kilam hi. Hih 1973 kum pan 7 vive baan gawm tohtoh lehang, 2001 tawh ong kituak to hi. 2001 pen World Trade Centre a kicip kum tawh ong kituak to leuleu hi. 2001 pen 7 gawm leuleu lehang, 2008 hi aa, leitungbup sumbawl a kiat, a siat kum a hihi.

Tua leh hih 2008 zongh 7 gawm lehang, leitungbup in mun khempeuh man in a dawn kumthak 2015  a hihi.

Leitungbup aa linglawng thu tuamtuam pen kum 7 in khatvei ta peuhmah a piangden a hihi. Kumsim in thusia lasia om mah ta leh hih a kum 7 na ta pen leitungbup huam hi pahpah zaw hi.

Ahizongin, hibang aa thusia buaina tampi kawmkal mah pan in, a hauhlawh, a nuamsazaw cih bang zongh lah kiom kha thei veve lai a hihi.

Late 91 na sung aa mah bangin, ka mai ah mi tul khat, ka kiim ah mi tulsawm a si a puuk zong in kei ong sukha lo ding, Late 23 sung aa mah bangin, sihna limguam sung na-ngawn i nawk hangin siatna kihtalo ding ci aa Pasian kammal tung i ki ngakh zawh den ding thupi a hihi.

Egypt (thu-umlo mite) te in, kum tampi a khol, a zon uh neihsa lamsa, hauhna te pen, zankhat thu in, Pasian a um, a thu a mang, a aw a ngai Israel mite tung ah kipia gai ziau hi. Tua mah bangin, 2015 kum pen, thu umlo mite in haksa pitak in sawtveipi a kholte thu umpi te in hun tomno sungin a ngah kum a hihi. (a umte aa dingin). Paunak Laisiangtho sung ah, thu umlo te' neihsa tengh thu umte tung kipia gai ding hi ci hi. Migilo te in, midik te aa dingin gim thuak uhhi, neih leh lamh zong uhhi ci hi. Hipen, thadah man, huaiham man leh a baihlampi totna lam doot, a ol lam cih banghilo aa, Pasian ii zia leh tong a hihlam Laisiangtho sung ah teltak in kimu thei hi.




Veina leh ciimna

Laisiangtho sungah, a khuapi uh a kisia, a kulhpi teng a kicim mang khin, kumpipa in zongh a cihna ding a theihloh laitakin, Nehemiah in tua a kicim kulhpi lamkik nuam hi. Kumpipa in zongh a lamkik nuamlua hi. Tua mah bangin, a gam a lei a zun a puah, a thahat sak nuam mi tampitak om ding hi. A hizongin, Nehemiah in tua a veina pen pulaak khia hi. Kumpipa tung phalna ngen hi.

Kumpipa tung ah kulhpite ong lamkik sak in ci hi. Hih pen veina hi. Lungtang sungpan aa ong phulkhia lainatna hi. Hihciang pen, mikim in nei thei kha ding hi.
Ahizongin, kumpipa in, Nehemiah 2:6 Tua ciangin kumpipa in (kumpinu a gei-ah tukawmin), “Bang tanvei sawt ding a, cik ciangin hong ciahkik thei ding na hi hiam?” ci-in hong dong hi. Hih dotna pen veina ciang bek tawh kidawngkik thei nawnlo ta hi. Hih dotna pen, veina neih ciang bek tawh ki ngah nawnlo aa, mikim ii dawn theih nawnloh thu khat ong hita hi. Veina baan ah, theihna/ciimna hiam khat ong kisam hita hi.

Ezra 4:21 hih mite a nasep uh a khawlna ding thu pia in. Keimah in thu kong piakkik mateng hih khuapi kilamkik lo ding hi. Nehemiah kipat ma in, a semsa mite zongh kumpipa in, khawlsak kik ngei a hihi. Tua bek thamloin, Nehemiah ii sepciang zongh, Nehemiah 2:19 kote zahpihna leh simmawhna tawh, “Hih na sep uh bang ahi hiam? Kumpipa lehpan' na hi uh hiam?” hong ci uh hi. Nehemiah pen, mimal khat leh nih bek thamlo in, a bawng a bawng, minam zui phialin a langpan zongh tampi mah na om lai a hihi.

Pasian in, veina neite a hunzui-in a kisam bang aa ciimna pia a hihlam Nehemiah tungtawnin kilangkhia a hihi. Nehemiah in, ni tuazah, kha bangzah sawt ding ci latlat pahlo in, a geel dan teng genin, tua tungtawnin Kumpipa tung a kisam teng zongh pulaak to suak pah hi. Tuapan in, kumpipa in, a ma mai ah a semte a kham ngei khitsa himah ta leh, Nehemiah muangin, Nehemiah in  zongh kimuanna nei hi. Nehemiah 2:18 Tua ahih ciangin lawp mahmahna leh ngimna hoih tawh nasep a kipan uh hi. (Ngimna kician, kitel nei, Ngimna hoih nei)

Kumpipa phalna bek thamlo, kumpipa ii phalna kician takin lak theih ding, kumpipa tung pan phalna lai a mun tawh kizui in lak theih ding tampi ngen hi. Hih pen ciimna nam khat hita hi. Nehemiah 2:7,8 “Kumpipa na thukim leh, Judah gam ka tun' dong amaute in hong paisuaksak theihna dingun Eufratis Gungal gamsung a uksawn mite ka piak ding laikhakte, 8leh biakinn hutna ding munmuan'huai kongpi ding, khuapi kulh ding, leh ka omna ding inn lamna dingin sing hong piaktheihna dingin kumpipa' tulak a kem Asaf' tungah piak ding laikhak zong, kei tungah hong pia in,” ka ci hi.

Hihbangin nasep kipat theihna dingin, Nehemiah in mipite tung hanthotna tamveipi pia hi. A geelna te a tel theih ding uhin, hilh cian hi. Hihbang a hihma in, Nehemia 2:15,16 zanpi mahin kuam lampi-ah pai-in khuapi kulh ka vel hi. Tua ciangin Kuam Kongpi mah tawnin khuapi sungah ka lutkik hi. 16Tua hi a, khuasung upate in ka paina mun ahi a, ka sep ahi zongin theilo uh hi; bang hang hiam cih leh hih nasep tavuan a la ding Judah mite, siampite, uliante, khuasung upate, leh a dangte tungah ka gen nai kei hi. (Research bawl hi.)

Joseph in zongh, kumpipa mang a khiat sak lai-in, kumpipa theih nop, a mang ii khiatna bek genlo aa, tua tungtawn in bang sephuai geelhuai cih ngaihsutna hoih zongh piakhawm pah a hihi. Tua in ciimna namkhat mah hi. Piancil 41:33,34 Tua ahih ciangin tu-in Faro in thu ngaihsun siam mipil khat tengkhia in la, Egypt gamsung a uk dingin amah koih in. 34Faro in gam sungah vaihawm ulian seh in la, a kihauh kum sagih sungin Egypt gam leitang pana piang sung panin nga-ah khat la in. 

Ciimna, pilna neih theihna dingin:
Paunak 1:7, Paunak 4:6,7 , Ecclesiaste 2:26, 1Cor 1:25 , 
James 3:17, James 1:5 , Paunak 19:20 , Paunak 3:13

China gam leh Tapidaw Upna

1946 kum China ah sianneilo Atheist communist kumpi thuneih hong kipat aa kipan tapidaw upna leh a dang budah, islam te gawtna nuai ah tuuksing hing meikuang bangin mitdek zel in omhi.Tutadih in, thuneite in hizah aa thu umthak pung hih tapidaw upna banghiam cih sittel sansan uh cihi.

Nisuah lam tuipi kigi zul ah milip awn 9 pha Wenzhou/ Hangzo khuapi pen China Jerusalem cihkhop dingin thu umpung, biakinn zatampi om in leihoihna kia azah 100 gahna mun cihtheih hi.Aih hangin tukum sungin biakinn 230 kumpi in susia veve lai hi.
1960 pu Mao Zedong hongkah ciangin communist ki vaipualna khuampi khat ahi suakta takin upna neithei cih ahih sam hangin nitumlam Tibet Budah, Uigul Islam te cihloh Han minam tapidaw te in gawtna nasia takin thuak uh ahihman in tapidaw awn lang val thahna tuakin tulsawm tampi gawtmun ah naham semkha in om uhhi.
1976 kum pu Mao sihkhit ciangin, zalenna gialkhat kolsak zawdeuh in tapidaw te hong naakthei zawdeih ta hi. Pawlpi te in kumpi tung register bawlsak, gamdang tawh kizomlo, ei le ei ki makaih ki vaihawm sak in kumpi in pantah hi.Thuzui a tamzaw in tua kumpi theih pawlpi zuantuanlo in underground church / leinuai pawlpi house church ah om zaw uhhi.
Tapidaw hongpung sem ahihman in hih upna dalzawh ding baihlo cihbek hilo Chinese Communist Party sung mahmah ah hih upna in hong zeelsimsim tacih hongtel semsem ciangin, leitungah sianneilo atheist ki pawlna lian pen CCPP in a sanggam Cuba leh Vietnam te sulnung zui in hong kolsak zawsam ta uhhi.
China gambup milup awn tul 1720 lakah 90% pen Han minam hi, communist\ socialist laisangpa German mi pu Karl Marx in biakna upna pen mihingte guihtheih zavom banghi lel hi acih banglo in gawtbawl gaakbawl leh pungtektek zawsop lailai ahihi.
1949 communist party hong dincil in Catholic awn 3 leh protestant awn 1 pha khin hi, tu in thunei te upmawhna ah a gawm in awn 23- 40 kikal pha ding cihi.
2010 kum US bulphuh Pew Research center muhna ah protestant awn 58 leh Catholic awn 9 pha cihi.
Pawlkhat in Chinese Communist Party atheist member awn 78 sangin evangilist protestant bekzong tamzaw cih lai uhhi.
US bulphuh Sen mipil khatin 1980 kum nungsiah kumkhatin thuzui 10% ta punghi, tua danta in a paisuak leh 2030 ciangin thuzui awn 250 val tading ahihman in Leitungbup ah tapidaw gam lianpen suakding cihi.Hih pen AD kum zalom 4 hunlai Rome mangpa Constantine kumpi a piangthak ma in thuzui masa te gawtin pawlpi a bawlsiat lai hunmah tawh thu umthak pungdan kibang hi cihi.Tua Rome kumpi gawtna hangmah in, Rome empire bup Christian gam na suak zawsop ahihi.
Pawlpi makai pawlkhat leuleu in biakna ki gaakna hong kolleh, pawlpi ki zulhtat ding, sum le pai minthanna tawh ki buai ding, pawlpi tawh kibuai in upna ih kiam zawding cih patau kholkhol uhhi.Tu dinmun ah Vatican in misiangtho ciaptehna piaktaak asak uh zatampi om khin cihi.
Zomi tapidaw te hongbangloh nading in China congregation te thunget pih ngeingai ni.
World Diplomatic Journal pan ki teisawn hi.
Source:Job Gual via World Zomi News